“Estudante finalista iha ensinu báziku sentral hamutuk 31.143. Husi númeru ne’e, aprovadu hamutuk 29.687 no reprovadu 14.  Ensinu sekundária jerál hamutuk 22.223, husi númeru ne’e aprovadu 21.567 no reprovadu 4,” Vise Ministru Edukasaun Juventude no Desportu (MEJD), António Guterres  fó-sai iha MEJD, Kinta (20/01).

Relasiona ho rezultadu ne’e, MEJD garante katak estudante sira ne’ebé remata ona sira nia estudu iha nivel ensinu sekundária, bele hakat tan passu Ida hodi kontinua iha universidade no sira ne’ebé mak remata ona husi ensinu báziku, bele kontinua fila fali iha ensinu sekundária.

Iha fatin hanesan, Diretor Edukasaun munisipiu Baucau, Augosto Hornai afirma, liu husi anunsia rezultadu ne’ebé mak ohin sira rona ona husi MEJD, tanbá ne’e edukasaun munsipiu sei kordena ho dirijente eskola sira iha munisipiu, nune’e iha loron 22 fulan Janeiru bele fahe ona formatu bá estudante sira.