Iha nia karta ba Xanana ho lider nasionál sira seluk atu nunee bele tetu oinsa iha hanoin ne’ebé di’ak hodi lori nasaun no jerasaun ne’e ba oin.
“Karta ne’ebé ha’u haruka ba Maun Xanana ne’e lori naran Forsa Defeza Timor-Leste hanesan Jeneral, ba mos ofisiais Coronel sira, laos ba Maun Xanana de’it maibé ba lideres nasional sira hotu,”dehan Lere, iha Palasiu Governu ohin (12/06).
Nia dehan, maske nia laos fundador FRETILIN no FALINTIL maibé sira mós kontribui ba nasaun ida ne’e liga ho situasaun politika iha rai laran liu-liu governu ne’ebé lao la di’ak.
"Foin ha’u partisipa iha reuniuan mak dehan karta ne’e haruka ona ba Kuartel Jeneral Fatuhada maibé karta ne’e liu fali husi media sosial ne’ebé ha’u mós hatene ona,
"Ha’u nia Maun Xanana resposta karta ne’e la tuir ami nia sentimentu,Tan ne’e loron ruma buka tempu ho Maun Xanana atu ko’alia hodi didiak ba malu tanba harii nasaun Timor-Leste ho ran ruin no isin, dadaun ne’e faluk no oan ki’ak”.
Entertantu, Maijor Jeneral Lere haruka karta ba Xanana iha loron 8 fulan ida ne’e (Juñu) no hetan kedas resposta husi Xanana rasik iha loron ohin 12 fulan-Juñu 2020.
