Ba situasaun ida ne’e, Xefe Estadu Maior Jeneral FALINTIL Forsa Defeza Timor Leste (F-FDTL) Maijor Jeneral Lere Anan Timur husu ba povu Timor-Leste tomak atu lalika preokupa.

Maske konsidera dialogu ne’e importante no esensial, maibé Lere husu ba povu Timor-Leste la preokupa ba dialogu entre lider sira ne’ebé to’o ohin loron seidauk tuur hamutuk.

“Diálogu ne’e esensial, (maibé) ita labele preokupa ho lider sira, maun Xanana, Mari (Alkatiri), Lú Olo, Horta, Taur. Sira na’in lima la tuur hamutuk ne’e problema sira nian,”dehan Lere hafoin enkontru ho Prezidente Repúblika Francisco Guterres Lú Olo iha Palasiu Prezidensial Bairro-Pité, Kuarta (07/08).

Tuir Lere, lider sira iha konsensia atu resolve vida nasaun no povu ninian hodi tau as interese nasionál. “Serbisu ne’ebé sira fó ne’e importante mak tenke halo. Labele preokupa sira. Sira iha konsiensia propriu atu rezolve vida nasaun ninian no vida povu nian, tau interese nasionál. Problema sira ne’ebé akontese depois mak boot sira iha leten resolve,” dehan