Lere Apela Ba Arte-Marsiál Kria Estabilidade Featured

By Cristina Ximenes Novembru 06, 2018 2776
Xefe Estadu Maiór Jenerál FALINTIL Forsa Defeza Timor Leste (F-FDTL), Lere Anan Timur Xefe Estadu Maiór Jenerál FALINTIL Forsa Defeza Timor Leste (F-FDTL), Lere Anan Timur

DILI: Xefe Estadu Maiór Jenerál FALINTIL Forsa Defeza Timor Leste (F-FDTL), Lere Anan Timur hateten, situasaun rai laran la’o hakmatek hela, maibé iha indísiu arte-marsiál hahú ativa fali iha nivel nasionál tanba husu atu labele kria instabilidade.

Nia dehan, tanba iha parte leste, liuliu Baukau kuaze tinan barak asaltu malu, iha Hera oho malu no mós iha munisípiu Likisá.

Nia hatutan, asaun ne’ebé arte-marsiál halo lemo-lemo iha Timor laran nu’udar asaun ida ne’ebé atu halo rai ne’e la hakmatek.

Ne'e duni, apela ba juventude atu lori arte marsiál hanesan desportu ida nune’e aban bain rua bele kompete ba nasaun seluk.

“Ita ko’alia kona-ba violasaun direitu umanu, maibé arte-marsiál maka viola ema nia direitu, maibé bainhira polísia kaptura imi ne’e viola ema ida de’it nia direitu la'ós ema barak nia direitu”, tenik nia, iha Palasiu Prezidensiál Bairru-Pité, foin lalais ne’e.

Tanba ne’e, Lere husu ba joven sira no arte-marsiál sira di’ak liu hadomi rain hodi kria estabilidade atu bele hetan dezenvolvimentu ne’e la’o ba oin no labele sadik Estadu.

Rate this item
(0 votes)

Independente Digital TV