Prezidente Timor-Gap Francisco Monteiro hateten, kona-ba halo mudansa LFP iha ona prosesu iha hela Parlamentu Nasionál.

“Nesesidade investimentu ba LFP nee hanesan meiu ida no forma ida atu bele atinze prosperidade ba investimentu, maibé mós iha forma barak neebe agora daudaun timor gap ho governu kontinua esplora meius hotu neebé halo investimentu husi fundu ne’e”dehan nia, iha nia diskursu Simeira Internasional Dahuluk kona-ba Petróleu no Gás iha CCD,horisehik.

Iha fatin hanesan,Prezidente Autoridade Nasionál Petroliu no Minerais (ANPM), Gualdinho da Silva hateten, lei rua nee,oras nee iha kompetensia Parlamentu hodi haree,hein katak iha tempu badak sei ekamina fali ba xefe estadu,bele kontinua halo aprovasaun tuir dalan.

“Ita nia prosesu ida nee mak ita tenke tuir,hetan respostas husi neebá no fila-fali mai hodi ajusta bele enkamina fila-fali ba prezidente repúblika atu hetan promosaun”,dehan nia.

Nia dehan, iha kontratu neebé mak asina hatene katak 100 % nee tama ona mai plata forma kontinental, signifika 100% tama ona ninia juridisaun no kontrolu ba atividade neebé importante liu atu dehan mós katak hahu tratadu tama vigor iha agustus.

Tuir peskiza ba atividades sira seluk lao hela,enkuantu lansamantu ida ohin nee grupu foun, hatene katak iha rai maran no iha Tasi laran.