KSTL husu governu aprova ona proposta revizaun salariu minimu Featured

By Rufino Bareto Setembru 02, 2025 212
Prezidente Konfederasaun Sindakatu Timor-Leste (KSTL), Almerio Vila Nova. Foto:Dok. Prezidente Konfederasaun Sindakatu Timor-Leste (KSTL), Almerio Vila Nova. Foto:Dok.

DILI: Konfederasaun Sindikatu Timor-Leste husu ba governu konstitusional dasia ne’ebé lidera husi Primeiru Ministru, Kay Rala Xanana Gusmão, atu aprova ona proposta revizaun lei salariu minimu.

Prezidente Konfederasaun Sindakatu Timor-Leste (KSTL), Almerio Vila Nova hatete, iha fulan hirak ba kotuk, Sekretariu Estadu Formasaun Profisional no Empregu (SEFOPE) halo ona konsultasaun ba lei salariu minimu ne’e, maibé to’o ohin loron seidauk iha rezultadu.

"Agora ita hein Sekretariu Estadu Formasaun Profisional no Empregu atu bele lori fila fali proposta dekretu lei kona-ba saláriu minimu ba MKAE atu lori ba aprezenta ba Konsellu Ministru hodi hetan aprovasaun," dehan Almerio via telefone, Sesta (29/08).

Iha proposta ne’e, nia dehan, KSTL mantein ho salariu minimu $150.

"Ami nia esperansa ba Governu iha konsiderasaun ba traballador Timor-oan sira-nia moris. Ohin loron folin nesesidade baziku sa'e maka'as iha merkadu," dehan nia.

Nia hatutan, salariu minimu $115 ne’ebé daudauk ne’e aplika la balansu ona ho realidade moris ohin loron.

Molok ne’e, Diretór Jeral SEFOPE, Carlito Rosario Cabral hatete, SEFOPE iha komitementu atu solusiona problema salariu minimu ne’e iha tinan ne’e nia laran.

Entretantu, Vise Primeiru Ministru, Mariano Assanami Sabino hatete, proposta saláriu mínimu iha KM no orienta hela parte kompetente hodi estuda.

“Konsellu Ministru orienta hela parte kompetente hodi estuda hela, depois mak ita sei haree," dehan nia iha salaun Canossa Has Laran, Manleuana, 21 Jullu liu ba.

Rate this item
(0 votes)
Last modified on Tersa, 02 Setembru 2025 14:43

Independente Digital TV

Follow us on Facebook

Kalendariu Notisia

« September 2025 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30