“Ita nia kresimentu Produtu Interno Brutu (PIB) tinan 2022 krese ba 3,9%, aas liu fali ita nia projesaun inisiál 3,3%. Tinan 2021, ita krese ba 2,9% husi negativu 8,3% iha 2020,”dehan komunikadu ne’ebé Online ne’e asesu iha Gabineti MF, segunda ne’e (09/01).
Governante ne’e hatutan, klaru katak taxa kresimentu PIB ne’e ki’ik, tanba kontribuisaun husi importasaun ne’ebé infelizmente sei aas tebes.
“Iha tinan 2022, importasaun halakon tiha 6,8 pontus percentuais husi kresimentu ita nia PIB,”haktuir komunikadu refere.
Entretantu, nia dehan, maske ho kresimentu ki’ik, bele konklui katak ekonomia Timor-Leste hahú rekupera ona husi efeitu mudança klimátika, ezekusaun orsamentál ne’ebe fraku, liuliu iha kapitál dezenvolvimentu no pandemia Covid-19 iha tinan 2021.
