"Ohin ita eventu komememorativo aniversariu ba dala-50 iha ne'e.Ita mós iha asinatura ho Governu Xina ba konstrusaun ospitál militár ida ne'ebé maka bolu ospital amizade xina no Timor-Leste", dehan Ministru Defeza, hafoin formaliza akordu iha eventu komemora loron FALINTIL iha Tasi-Tolu, (20/08).

Nia esplika, ospitál militár ne'e sei konstrui hosi Governu Xina no Governu xina mak sei prepara hotu, depois mak sei entrega ba iha Governu Timor-Leste.

Nune'e, naturalmente sei intrega ba iha F-FDTL, para depois halo misaun ba ospital militar nian atu serve militares sira nomos atu serve familia sira, polisia no familia sira, veteranus sira nomos sidadaun sira hotu-hotu.

"Ohin asina ona protokolu ba konstrusaun, nune'e sira sei halo finalizaun dezenu ba iha ospital  ida ne'e dezena tuir kama hira mak sirae sei atu konstroi. Tuir nivel indikasaun protokolu ne'e katak, sira sei ospital ida ho kama 100 ida, signifika katak, ospital ida iha kategoria media grante ka boot", katak nia.

Nia fundamenta katak, prosesu ba konstrusaun ba ospital refere, sei lori tempu naruk para atu bele dezenvolve, tanba kama-100 sei fahe ba area-hotu-hotu, liu-liu servisu jerais no servisu emerjensia ne'ebé militár bele presta ba públiku.

Nia dehan, harii ospitál militár refere sei la duplika ospitál nasionál sira, maibe sei fo tratametu hotu.

"Serteza absoluts katak, iha governasaun ida ne'e sei inagura. Iha mandatu Nono goverru nian sei intrega", nia hakotu.

Entretantu, iha formaliza akordu ne'e entre Ministru Defeza no Embaixadora Xina iha Timor-Leste no sasin direita hosi  Prezidente Republika Jose Ramos Horta.