Komunidade Aldeia Rua iha Fatuhada Ne’ebé Afeitadu ba Alargamentu Estrada Preokupa konaba Bee Moos Featured

By Estajiariu/Venancio Aparicio Ximenes Jullu 09, 2025 156
Komunidade afeitadu alargamentu estrada ne'ebe preokupa kona ba falta bee moos, iha Aldeia 03 Lurumata, Fatuhada, (09/07/25). Komunidade afeitadu alargamentu estrada ne'ebe preokupa kona ba falta bee moos, iha Aldeia 03 Lurumata, Fatuhada, (09/07/25).

DILI: Komunidade Aldeia 03 Lurumata no 05, iha Suku Fatuhada, Postu Administrativu Dom Aleixo, Munisipiu Dili, ne’ebé afeitadu ba alargamentu Estrada, preokupa konaba falta bee moos.

Tuir Komunidade afeitadu 03 Lurumata, Lito Selibere hatete, sira la asesu ba bee moos tanba iha alargamentu Estrada ne’e, kompañia desliga hotu kanalizasaun sira.

“Problema maka kompañia suru sai hotu kanu, tanba ne’e maka ami ne’ebé afeitadu ba alargamentu Estrada ne'e susar tebes ba bee moos,”dehan nia ba Jornalista Online INDEPENDENTE, iha Aldeia 03 Lurumata, Kuarta (09/07/25).

Iha fatin ketak, Rezidente Salvador Barreto hatutan, tanki bee moos ida ne’ebé BTL,EP instala iha aldeia 03 Lurumata, ne’e la sufisiente ba sira, tanba komunidade barak maka asesu ba bee refere.

“Alargamentu estrada ne'e, ami komesa la assesu ba bee moos, tanba kanu ne’ebé maka iha kompañia sira halo kotu hotu. Ami iha ne’e kuaze maioria estudante no serbisu na’in, maibé la hetan bee moos atu uza ba servisu no eskola,”haktuir Salvadór Barreto.

kanu

Entretantu, Bonifacio Mario Boavida hatete, durante ne'e sira asesu deit bee moos ne’ebé kompañia ho BTL,EP oferese ba sira, maibé ida ne’e mós la sufisienta, nune’e sira karega pulsa eletrisidade ba viziñu sira ne’ebé iha bee possu hodi sira bele asesu.

“Tanki ida deit entaun komunidade hotu-hotu mai kuru iha fatin ida deit no bainhira tanki mamuk ona no kompanha ka husi BTL,EP la mai ense fila fali tanki ne'e, entaun pasiensia ami ba buka vizinu sira ne’ebé uza bee saniu, mai ba sosa pulsa ense mak foin uza hodi tein fase roupa no haris,”afirma Bonifacio .

Hatan ba preokupasaun komunidade sira nian, Xefe Suku Fatuhada Marcelino Soares hatete, nia parte sei nafatin halo koordenasaun ho Ministeriu Obras Públika liu husi BTL,EP atu bele fasilita bee moos ba komunidade sira, tanba dadaun ne’e, BTL,EP instala ona tanke ida iha ne’ebá, maibé lasufisente.

xefe suku fatuhada

Nune’e, Xefe Suku ne’e husu ba komunidade sira ne’ebé dadaun ne’e uza hela bee moos iha tanki ne’ebé instala ona, atu uza deit ba tein ho han hemu nian, labele uza ba fase roupa.

Rate this item
(0 votes)

Independente Digital TV

Follow us on Facebook

Kalendariu Notisia

« July 2025 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31