Tuir Prezidente IGE.IP, Ermenegilda da C. Laurentina, hatete, ekipamentus unidade 15 ne’ebé kompañia manán nain entrega mai IGE mak hanesan, eskavator ho numeru 55 iha rua, numeru 135 iha rua no numeru 215 iha rua no mós ekipamentus sira seluk hanesan, rota meix, kareta fuzu boot ho mos penomatik hibrolix.

Nia dehan, montante orsamentu ne'ebé aloka hodi sosa ekipamentus ne’e hamutuk dolar amerikanu rihun $2, husi OJE 2021 nian.

Nune’e, kompañia manan ho nia valor kontratu dolar amerikanu rihun $1.688.

“Espera ho makina foun hamutuk unidade 15 ne’e bele ajuda ami hodi atinji ami nia pozisaun ba poupansa no resitas ne’ebé ami tau ona,”dehan nia iha edifisiu IGE.IP, Kolmera, segunda ne’e (29/08).

Entretantu, Prezidente IGE informa, tuir kontratu, ekipamentus ne’ebé sira sosa sei halo manutensaun durante tinan tolu.

Tanba ne’e, IGE espera sei bele kumpri promesa ida ne’e.

Enkuantu, ekipamentus pezadu unidade 15 ne’e sosa husi nasaun Xina.

Iha Fatin hanesan, Diretór Kompañia Autozone, Chen Youyu, hatete, ekipamentus sira ne’e ho kualidade diak, no garantia katak sei uza ba tempu naruk.

“Ekipamentus sira ho kualidade di'ak no ami nia kliente satisfasaun mak sai hanesan ami nia prioridade primeiru. Nune'e ami la'ós de'it fó garantia tinan ida ba makina pezadus sira hotu, maibé ami mós fornese gratuita item sira ba manutensaun ho makina pezadus sira durante tinan tolu,”nia haktuir.

Ho nune’e, ekipamentus sira ne'ebé sira oferese ba IGE bele fó benefisiu ba servisu hotu IGE nian iha future.