Iha sira-nia fiskalizasaun ne'e, komisaun sira bele gasta osan to'o rihun $5.
“Komisaun sira ne’e ema lubuk ida iha ne’eba, inklui tekniku apoiu komisaun ba hotu, inklui ami nia radiu no televizaun sira mós sei tuir, kada sira la’o loron 3 ka 4 gastus osan $4500 mill ka $5 mill,” informa Cedelizia liu husi konferensia imprensa iha PN, Kuarta (11/03).
Maibé, nia dehan, ho orsamentu duadesimu fó difikuldade mós ba komisaun sira atu halo fiskalizasaun.
“Kada komisaun sempre halo fiskalizasaun ba minispiu, kadavez fulan ida sira halo ba munispiu rua ka tolu. Maibé DOT montante ida kiik-oan tebes, fulan ida komisaun ida só halo fiskalizasaun ba munisipiu ida de'it, bainhira ba fiskalizasaun ba munispiu ida orsamentu ne’e remata,” dehan nia.
Iha fulan Fevereiru nia laran, dotasaun orsamentu temporariu (DOT) ho montante millaun $1,241,928 ne'ebé aloka boot liu ba kategoria tranferensia públika ba bankada parlamentár sira, tuir fali mak bens no serbisu.
"Entaun bainhira DOT ami simu kedas salariu vensimentu tanba ema hotu serbisu, entaun tenke selu ema-nia salariu".
Nia hatutan, PN mós hetan kapital dezenvolvimentu, maibé ho montante kiik tebes tan ne'e la konsege realiza planu ba reabilitasaun fatin serbisu.
"Maibé montante kiik la halo buat ida, tanba ne’e kapital dezenvolvimentu zero, ita la zekuta, inklui kapital menór tanba la simu iha ne’ebá, entaun ita la halo ezekusaun ba kapital menór,”dehan nia.
Husi total orsamentu millaun $1,241,928 kompostu husi salariu no vensiementu rihun $484,484, bens no serbisu rihun $662,527, transferensia públika rihun $78,667 no kapital dezenvolvimentu rihun $16,250.
