Prezidente Komisaun D Ricardo Baptista hateten, laos kestaun Eletrisidade ho bee moos mak sai problema boot ba projetu Pelican Paradise maibé iha informasaun katak durante ne'e sira seidauk hetan sertifikasaun husi trade investe ne'ebé mak foin atribui ba sira.

"Ami seidauk halo fiskalizasaun ba iha ne'ebá, maibé ita hotu akompaña katak ita nia governu liu husi trade invest fó ona sertifikasaun ba nia atu nune'e hodi bele implementa obra ninia projetu ne'ebé mak nia halo,ita hein katak sertifikasaun ne'ebé trade invest fó ba nia ne'ebé durante ne'e invesdor sempre ko'alia," dehan nia ba jornalista sira iha PN horisehik (13/02).

Nia dehan, projetu Pelican Paradise ne'e tempu naruk ona maibé to'o agora tanba investor ne'e mos sempre ko'alia problema ne'ebé mak sira hasoru mak sertifikasaun ne'e, maibé trade invest fó ona no komisaun D hein katak sira bele implementa halao sira nia obra ona tanba kleur ona.

Tanba Nia dehan, proposta Pelican Paradise mai mós kleur maibé sira hetan ona sertifikasaun husi trade invest espera projetu bele lao ho di'ak.

Molok ne'e mós, Prezidente Komisaun E Marcos Xavier preokupa, projetu Pelican Paradise ne'e kompaña internasional maibé komisaun E seidauk simu informasaun tanba projetu ne'e kleur Tinan barak seidauk iha progresu.

"Parese semana oin sei halo fiskalizasaun iha Dili laran hodi haree estrada sira ne'e depois ami sei haree ita boot sira bele akompaña ami nia rejultadu ne'e oinsa," dehan nia ba jornalista sira iha resintu PN sesta (31/01).

Nia hatutan, tanba projetu Pelican Paradise ne'e mós iha Dili laran entaun komisaun E mós sei ba halo fiskalizasun direita hodi hatene problema tanbasa mak projetu ne'e kleur ona.

"Ita bele haree tanbasa mak atraza tanba governu entrega ona rai ba sira para hodi halo otel iha ne'ebá mais nu fim to'o agora tinan 10 ona sira halo de'it uma oan iha leten ne'ebá," nia dehan.

Iha kraik tun mak kompaña Pelican Paradise seidauk bele halo, entaun Komisaun E tenke hatene kompaña nia problema ne'e saida mak to'o agora seidauk bele halo.

“Tanba ne'e mak komisaun E sei halo fiskalizasaun hodi haree direitamente problema projetu Pelican Paradise ne'ebé kompaña internasionál halo ne'ebé desde iha VIII halo ona lansamentu mais to'o agora progresu tarde.” Nia hakotu.