Nia hateten, durante ne'e Parlamentu Nasional (PN) halo de'it fiskalizasau iha ba projetu sira iha baze maibé nunka halo fiskalizasaun ba administrasaun públika sira.

"Importante liu maka halo fiskalizasaun iha administrasaun públiku atu bele garante komportamentu iha kada instituisaun ida ne'e maka husi uluk kedas to’o agora Parlamentu la halo dala barak liu maka halo fiskalizasaun ba projetu sira iha kraik" dehan nia iha diskusaun meza redonda entre membru Parlamentu Nasionál no sosiedade sivíl sira kona ba lei medida prevensaun no anti korupsaun iha salaun Kruz Vermella, Formoza, Ohin (14/10).

Nia afirma, fiskalizasaun ba administrasaun públika tenke hahu kedas husi diskusaun Orsamentu Jeral Estadu (OJE), hahu husi ne'e Parlamentu tenke hare’e kedas ona sufisiente atu atribui ba autoridade kompetente sira atu exerse sira nia kompeténsia tuir Lei haruka ne'e ka la’e.

Nia hatutan, PN tenke halo fiskalizasaun ba OJE ne'ebé sei kolónia ba iha kada instituisaun estadu sira no wainhira halo ona aprovasaun ba orsamentu, Parlamentu tenke halo mós fiskalizasun ba implementasaun kada instituisaun  sira bazeia ba pedidu husi governu ne'ebé hetan aprovasaun husi Parlamentu.

"Halo fiskalizasaun ba OJE, depois aprovsaun orsamentu ne’e Parlamentu tenke halo fiskalizasaun hodi hare’e guvernu ninia pedidu mai Parlamentu aprova kona ba KAK ne'e kumpri duni ka la’e se la kumpri Parlamentu tenke halo intervensaun hodi hola parte ba fiskalizasaun polítika atu bele garante kualidade instituisaun ba lei sira." Esplika nia