Diretór ezekutivu AMRT Gorge Alves “Wemoris” hatete, AMRT halo espozisaun ne’e, tanba hakarak hanoin fila-fali istória Timor-Leste nian hodi komemora loron Restaurasaun Independensia 20 maiu tinan 2002 no tinan 20 maiu 2022.
“Atu komemora 20 de Maiu 2002 no 2022 portantu ita halo tinan 22 ba Restaurasaun Indepedensia, agora ita hakarak halo espozisaun ne’e atu hanoin hikas fila-fali bai ta nia istoria Timor-Leste nian,” dehan Diretór ezekutivu ba Jornalista sira iha AMRT Liceu, Sabadu (18/05).
Tanba tinan barak ona AMRT seidauk halo espozisaun ba lider sira ne’ebé fó ona ápoiu ba Timor-Leste nia indepedensia.
“tanba ne’e mak ohin, ita halo lansamentu ba espozisaun Sekretariu Jerál ONU Koffi Anan, ho Koffi Anan ne’e nia apoiu ba Timor-Leste, Indonesia ho Portugal hodi asina akorsu 5 Maiu,” nia haktuir.
Nia Afirma, espozisaun ne’e loke durante semana ida ne’ebé hahú ohin, ba públiku tomak hanesan Veteranu nia oan sira, vizitante internasional liliu estudante sira atu nune’e bele koñese di’ak liután istoria TL nian.
Enkuantu, iha espozisaun ne’e, sasan hirak ne’ebé aprezenta mak hanesan, krus mak simbolu fiar nian ne’ebé mai husi nasaun tasmania Australia, iha mós simbolu identidade TL nian hanesan lafaek, imajen Sekretáriu Jeral Nasaoens Unidas (ONU) Koffi Anan no mós gon ne’ebé mai husi kraras, Munisipiu Vikeke.