Ministru Edukasaun Interinu, Atual Sekretáriu Estadu Ensinu Sekundaria Jeral No Ensinu Sekundaria Tékniku Vokasionál, Domingos Lemos Lopes hatete, Vise-Primeiru Ministru, Ministru Koordenadór Asuntu Sosiais orienta Ministériu Edukasaun (ME) atu mobiliza estudante sira hodi simu vizitasaun Liurai Brunei Darusalam ne’ebé sei partisipa selebrasaun loron resataurasaun Indepedensia ba dala 22.
“Ami enkontru ho diretores eskola ne’ebé route husi Komoro mai to’o iha Palásiu Prezidensial, primeriu atu dehan Vise-Primeriu Ministru husu ita-nia partisipasaun liliu estudante sira 20 de Maiu, iha vizita liurai Brunei Darusalam nian liliu estudante sira atu hamriik iha Estrada ninin sira husi Areoportu Komoro mai to’o Palasiu Prezidensial,” dehan nia iha Salaun VIP-ME Vila-Verde, Kinta (16/05).
Governante afirma, ME sei mobiliza de’it estudate sira husi área Komoro to’o iha área Palasiu Presidensial Nicolau Lobato Dili, ho razaun tanba estudante iha kapitál Dili barak liu, banhira estudante barak liu sei akontese dezafiu ruma.
“ami lakoi estudante barak mak partisipa iha ne’ebá tanba hare route ne’ebé iha, primeiru ita hare katak dezafiu barak mak akontese bainhira ita mobiliza estudante ne’ebé barak, tanba ida ne’e mak ita nia desizaun katak estudante ne’ebé partisipa mak sira husi Aeroportu Komoro to’o Palasiu Prezidensial,” nia Esplika.
Diretora Ensinu Báziku Faról, Filomena Freitas hatete, estudante barak liu, tanba ne’e eskola deside, sei koloka deit estudante na’in atus sia hitu (907) husi EBC Faról no EBF fatuhada hamutuk rihun ida atu lima inkliu profesor sira.
“ami mai iha ne’e atu rona informasaun ho partilla fali ba eskola ba preparasaun atu simu liurai Brunei Darusalam ne’ebé sei iha 20 Maiu iha ita nia país ida ne’e, ida ne’e ma kami ho labarik barak enatu ami f’o mak estudante husi eskola sentral nian ami foti 907 tama tan ho eskola EBF Fatuhada ho profesor sira hamutuk 1500,” nia hato’o.
Entretantu, tuir dadus ne’ebé iha, ME sei mobiliza estudante sira, husi eskola sira iha area Komoro to’o mai iha Palasiu Prezidensiál Aitarak laran, Nicolau Lobato, ho totál 11.500 mak sei partisipa iha vizitasaun liurai Brunei Darusalam nian.