Tuir komunikadu ne'ebé online INDEPENDENTE asesu katak, deliberasaun ne’e estabelese prinsípiu orientadór sira ba re-organizasaun ida ne’ebé abranjente husi entidade públika sira ho autonomia administrativa no finanseira, ho objetivu atu garante espesializasaun téknika ne’ebé boot-liu, rasionalizasaun rekursus no hadi’a kualidade servisu ne’ebé presta ba sidadaun sira.
"Prevee uniaun husi entidade sira ne'ebé ho funsaun ne’ebé besik atu hanesan, inkorporasaun hosi instituisaun balu iha estrutura hosi ministériu setoriál sira, no mós transformasaun institutu públiku balun ne’ebé iha servisu administrasaun direta Estadu nian," dehan Komunikandu ne'ebé Online INDEPENDENTE asesu iha Pájina Governu Timor-Leste, Kuarta (09/07).
Tanba reforma ne’e, sei inklui mós re-estruturasaun no estinsaun ba entidade administrasaun indireta balun, ho sira-nia kompeténsia sei transfere ba sira-nia liña ministeriál sira.
Nune’e, Konteúdu espesífiku husi re-estruturasaun ne’e sei regula husi diplomas governu nian lubuk ida, ne’ebé sei elabora no submete ba konsiderasaun no aprovasaun hosi Konsellu Ministru tuir nia tempu.
