Konsellu Ministrus hala’o sorumutu no delibera hodi fó podér tomak ba Ministru Agrikultura, Pekuária, Peskas no Floresta, Marcos da Cruz, atu asina Memorandu Entendimentu entre Ministériu Agrikultura, Pekuária, Peska no Florestas, no Ministériu Agrikultura no Asuntus Rurais Repúblika Populár Xina kona-ba Konsolidasaun Kooperasaun Agríkola.

"Memorandu Entendimentu entre Ministériu Agrikultura, Pekuária, Peska no Florestas, Repúblika Demokrátika Timor-Leste no Ministériu Agrikultura no Asuntus Rurais Repúblika Populár Xina kona-ba Konsolidasaun Kooperasaun Agríkola," dehan komunikadu ne'ebé diáriu ne’e asesu, horisehik.

Memorandu ne’e ho objetivu atu hametin kooperasaun agríkola ho forma pragmátika, hadi’a seguransa ai-han, promove dezenvolvimentu ekonómiku no sosiál no hasa’e moris-di’ak populasaun nasaun rua ne’e nian.

Aldeia ida ne'e, Konsellu Ministrus delibera mós atu fó podér tomak ba Sekretáriu Estadu Komunikasaun Sosiál, Expedito Dias Ximenes, hodi asina memorandu entendimentu ida entre Repúblika Demokrátika Timor-Leste no Administrasaun Rádiu no Televizaun Nasionál Repúblika Populár Xina, ba kooperasaun iha ámbitu rádiu no televizaun.