Konsellu Ministrus aprova projetu Dekretu-Lei, ne’e aprezenta husi Ministru Ensinu Superiór Siénsia no Kultura (MESSK), Longuinhos dos Santos, kona-ba rejime jurídiku estabelesimentu sira ensinu superiór.

"Konsellu Ministru aprova ona projetu Dekretu Lei aprezenta husi Ministru Ensinu Superior Siensia Kultura kona-ba rejime jurídiku ba estabelesimentu sira ensinu superiór nian," dehan Ministru Interinu Prezidensia Konsellu Ministru (MPKM), Rui Augusto Gomes, iha Palasiu Governu, horisehik.

Nia hatuta, projetu dekretu lei ne’e sai ona hanesan projetu deliberasaun iha soru-mutu Konsellu Ministru, iha 15 Juñu 2022, maibé tanba iha alterasaun balun iha faze redasaun finál, presiza submete projetu dekretu lei ne’e nian ba deliberasaun foun.

Alterasaun ne'e signifika lori fila-fali dekretu lei ne’e ba deliberasaun foun husi Konsellu Ministru no hetan aprovasaun.

"Ha'u hanoin alterasaun redasional balu iha ne’ebá aspetu lojistika dekretu lei ne'e rasik, tanba ne'e mak tenke lori fali mai Konsellu Ministru para atu aprova fila-fali," tenik nia.A