"Konsellu rua apoiu unanimidade rekomenda ba PR atu haruka karta ida ba Parlamentu Nasional hodi halo estensaun ba Estadu Emerjénsia,"dehan Xefe Casa Sivil ba jornalista sita hafoin remata enkontru Iha Palasiu Prezidensial ai-tarak laran Bairu Pite Díli, (22/04).
Nia dehan, Estadu Emerjénsia sei nafatin hanesan ida uluk, maibé governu mak tenke halo medidas ida ne'ebé di’ak liu nue'e povu bele hatene lolos Estadu Emerjénsia ba surtu covid-19.
Durasaun Estadu Emerjénsia ba primeira periodu sei remata iha loron 26 fulan-Abril 2020.
"Estadu Emerjénsia objetivu ida de’it mak estadu ho governu hadomi povu husi moras Corona Vírus COVID-19 husi mate ida ne’e prinsipal,"dehan nia.
Nia afirma, detaillu kona-ba prolongasaun Estadu Emerjénsia ne'e sei regula husi dekretu governu lei númeru 3/2020.
Reuniaun ne’e lidera husi Presidente Repúblika (PR) Francisco Guterres Lú-Olo no partisipa husi Primeiru Ministru (PM), Taur Matan Ruak, Ministru Defesa no Ministru Interior Interinu (MDI), Filomeno Paixão de Jesus, Maiór Jenerál (F-FDTL), Maijór Jenerál Lere Anan Timur, Komandante Jerál (PNTL), Komisariu Polisia Faustino da Costa, Ministru Negosiu Estranjeiru no koperasau (MNEK) Deonício Babo, Ministru Justisa Manuel Carçeres no Eis Primeiru Ministru (PM) Dr. Rui Maria de Araújo, representante Sosiadade Sivil Diretor Ezekutivu FONGTIL, Daniel dos Santos Carmo inklui representante membru Parlamentu Nasional (PN), Aderito Hugo, Abel Pires no David Mandati Enkuantu Kosellu Estadu (KE), Reprezenta Eis PR José Ramos Horta, Presidente CNJTL Maria Dadi Magno no Presidente CCI-TL Oscar Lima, Alcino de Araújo Barris no Konselleiru Masimu partidu (KHUNTO), José dos Santos Naimori Buscar inklui representante membru (PN), balun.
Enkontru KSDS-KE ho PR Hahu Iha tuku 09:30 dader no remata iha tuku 02: 10 méudia.
