Husi númeru ne’e barak liu kontinua iha Dili ne’ebé ho totál 3.467, tuir Baukau ho kazu 331, Manufahi kazu 202, Manatutu ho kazu 175, Lautem ho kazu 155, Kovalima 149, Likisa 140, Ermera ho kazu 118, Aileu 85, Vikeke 80, Bobonaru kazu 58, Ainaru 45, no RAEOA ho kazu 6.
“Husi dadus ne’e ita haree, dengue kontinua sa’e bebeik no kazu mate mós sa’e ona ba 56,” Jornalista sita komunikadu MS ho data Segunda (30/05).
Enkuantu, munisipiu sanulu resin-ida ne’ebé dadauk rezista ona kazu mate maka, Dili ho kazu 33, Kovalima kazu 7, Ermera kazu 4, Aileu kazu 2, Vikeke kazu 2, Bobonaru 2, Likisa 1, Manufahi 1, Manatutu 1 inklui Oekuse 1.
Nune’e, tuir distribuisaun kazu dengue ne’ebé maka sa’e makaas liu iha Dili, Postu administarasaun Dom Alexu nafatin númeru boot liu ho kazu 2.082 hafoin postu administrativu Kristu Rei ho kazu 518, Na’in Feto 419, Vera-Kruz 374.
Ho ida ne’e, Ministériu Saúde kontinua informa ba públiku hotu, atu aprezenta aan iha fasilidade saúde sira neebé besik bainhria sente isin manas ka laran sae, liman ain sikun moras, atu bele hetan atendimentu husi médiku sira.
Husu mós ba autoridade munispiu inklui lokais, atu bele orienta komunidade halao limpeza jeral iha ida-idak nia suku inklui aldei tomak, fase tanke, bidon ka balde semana ida dala ida, limpeza roda aat sira, bazu aifunan atu susuk labele natolun.
