Diretor Interina plan Internasional Timor-Leste Fatima Estrela Soares, hatete, Kay Olok Sai Embaixadór ba Foinsa’e no Diversidade hotu, tanba hamutuk ho Kay Olok, Plan Internasional hala’o servisu hodi lori foinsa’e sira ho hanoin ne'ebé análitiku, krítku hodi fó solusaun ba estratejia iha dezenvolvimentu komunidade.
Diretora Interina ne’e dehan, iha hasoru malu ne'e sira mós agradese ba PM Xanana, ne'ebé hanesan mós aman ba Embaixadór Kay Olok, ne’ebé kompleta tinan ida ona ba Embaixadór ba foinsa’e ho diversidade, Plan Internasional Timor-Leste.
"Tanba hamutuk ho ami nia Embaixadór Kay Olok, ami halo servisu lubuk ida liu-liu oinsa lori foinsa'e sira atu bele ho hanoin ida ne'ebé mak análitiku, krítku liu tan oinsá mak bele hamutuk foti asaun hanoin hamutuk no buka solusaun estratejia ba iha dezenvolvimentu komunidade," Dehan Diretora Interina PITL, iha Palásiu Governu, Segunda (03/02/25).
Diretora Interina ne’e hatutan, PM Xanana mós hatan atu Kay Olok kontinua servisu hamutuk ho Plan Internasional no sai nafatin embaixadór ba foinsa’e no diversidade Plan Internasional Timor-Leste bá tinan tolu tan.
Nune’e, Plan Internasional mós sei dezenvolve planu estratejiku ho Kay Olok hodi hare bá prioridade governu nian, liliu atu hare kona-bá kapasitasaun foinsa'e sira.
Entretantu, Kay Olok Gusmão hahú assume knar nu’udar Embaixadór ba foinsa’e no diversidade Plan Internasional Timor-Leste, iha loron 1 fulan-Dezembru tinan 2023.
