Jogu modalidade karate-do Timor-Leste atelta na'in 4 mak partispa iha modalidade ne'e, kompostu husi feto rua no mane rua, no atleta sira konsege oferese hotu medalla ba Timor-Leste hafoin halakon nia adversariu husi Portugal.

Iha jogu modalidade karaté-do kategória feto ho kilo-grama 53 atleta timoroan, Maricha Mota, konsegé sai primeiru lugar hodi oferese medalla osan-mean ida ba Timor-Leste

Atleta karate-do Timor-leste Maricha Mota, agradese ba maromak tanba bele hetan primeiru lugar iha klase 53 ba Timor-Leste.

“Agradese ba na'in feto, tanba ha'u bele hetan primeiru lugár iha klase 53, iha kategória feto,” Nia relata, ba jornalista sira, iha Ginaziu Dili, sexta (25/07).

Iha oportunidade ne’e, nia promete ba oin sei halo preparasaun masimu liu tán atu bele kompete iha kompetisaun nasaionál no internasionál sira tuir mai, nune'e bele oferese tan medalla rai doben Timor-Leste.

Iha fatin hanesan, Treinadór Karate-do TL, Adreas da Silva Kefi, sente orgullu tanba buat ne'e sira la espera, ohin bele sai realidade.

“Ami ogullu ho  atleta sira nia esforsu ne'ebé hatudu rezultadu di'ak, maske sira hasoru atleta sira ne'ebé joga iha Europa mak mai, maibe ita timor mos dehan ita  labele lakon ho sira,” Nia dehan.

Nia dehan, maske atleta sira ne'e mai husi kontinte europa, maibe tátika ho timoroan sira nia  hanesan de'it.

Tanba ne’e, nia agradese ba timor oan sira nia suporta masimu  durante jogu la’o, tanba timoroan sira nia suporta mak ohin hatudu ona ne'e sira bele sai kampiaun.

Treinadór ne'e mos rekomenda ba Governu atu bele apoiu buat ruma ba atleta sira, tanba oferese ona medalla ba Timor-Leste.

“Ami hakarak rekomenda ba Governu, bainhira atleta sira hetan ona medalla hanesan ne'e, saida mak Governu sei fasilita mai ami, maibé ami husu ba oin tenke tau atleta sira ne'e iha fatin ida,” Nia hakotu.

Purtantu, Atleta Karate-do Timor-Leste, Nelsia Auxilia ne'ebé kompete iha klase 48 oferse medalla osan-mutin, atleta mane na'in rua ne'ebé kompete iha klase 60 mos eferese medalla osan mutin ba Timor-Leste.