Ministru Ensinu Superior, Siensia no Kulturál (MESSK), José Honorio da Costa Pereira Geronimo informa, dadaun nee halo prosesu bolsa estudu ba Kanbodia, tanba governu Kanbodia fó bolsu estudu ba Timor sira nia prosesu la'o hela no mós prosesu seluk ne'ebé la'o mós bolsu estudu husi governu Xina
"Ita kada tinan atribui bolsu ba Timor oan sira, UNTL mós ita kontinua atribui, ne'e ba mestradu no doutoramentu hotu,dehan Ministru Ensinu Superiór José Honorio ba jornalista iha nia kna'ar fatin Colmera Kuarta (22/11)
Nia dehan, nune'e mós MESCC kontinua atribui bolsu estudu ba Timor oan iha fatin sira seluk hanesan iha Portugal no no nasaun sira ASEAN no mós balun hetan bolsu estudu husi sira nia universidade governu atribui subsídiu ba sira
Nia dehan, prosesu ba bilsa estudu ba iha tinan 2023 nia prosesu la'o tiha ona no dadaun kontinua hanoin ba iha tinan 2024 nia.
"Ita hanoin ba 2024 nia, tanba ita iha Diretór Ezekutivu Fundus Capitá Humanus (FDCH) foun, itabiha diskusaun atu atribui mós ba ita nia joven sira atu ba foti mestradu iha area turismu, Peska, Enginária, tuir programa Nuno Governu Konstitusionál liu-liu iha Ministériu Ensinu Superiór. Tanba ne'e ami sei halo diskusaun iha dirasaun FDCH hodi deside kuantidade ema hira mak ita atu atribui bolsu ba sira tanba, bolsu neebé atribui ne'e fundus mai husi FDCH,"dehan nia
Nia akresenta katak, bolsa estudu husi Governu ba Timor oan na'in 10 ne'e nia prosesu hotu ona no sira hein hela atu aranka ba Kambodia hodi kontinua sira nia estudu.
Tuir nia katak, prosesu tuir fali mak Governu Xina mós fó bolsu estudu ba Timor oan, Governu Timor-Leste fasilita de'it fó teste ba sira nia koñesimentu ba lingua Inglesh. Tanba sira tenke iha Inglesh di'ak, bainhira sira ba sira labele hetan difikuldade iha sira nia estu iha Kanbodia tantu iha Xina.
Enkuantu bolseiru sira ne'e fila sei hanorin fila eskola Ensinu Báziku no mós eskola sekundáriu, tanba Governu Xina hakarak fó bolsa Timor oan ho objetivu ida atu forma Timor antes, bainhira Timor-Leste tama ASEAN karik Timor ihanona rekursu tanba ida ne’e sira fó bolsa estudu ba Timor sira, tanba ne'e nafatin iha relasaun Kooperasaun ho nasaun sira.
Entretantu kandidatu ba bolsu estudu Kambodia ne'e konkore husi ema na'in 30 neebe kompostu husi mane na'in 11 no feto 19, maibé konkorente husi ema na'in 30 ne'e na'in 10 mak pasa ba bolsa estudu Kambodia no sei aranka iha fulan Dezembru 2023.
