Nia esplika, intensaun ba halo tratamentu saúde durante semana ida ka rua de’it nia fila-fali mai Timor-Leste, relasiona ho nia statuta kazu (TIR), ne’ebé limite nia movimnetasaun sai ba rai liur.

Kalbuady hetan TIR tanba deskonfia nia involve iha kazu,partisipasaun ekonomia, brankamentu kapitais no burla agravadu.

Advogadu ne’e dehan, Kalbuady sai ba rai liur la presiza autorizasaun husi Ministériu Públiku tanba TIR sei iha prazu loron 14 nia laran.

Maibé hafoin too iha Australia, situasaun Covid-19 afeita ba Australia ho Timor-Leste halo nia labele fila mai Timor-Leste tuir prazu loron ne’ebé termina ona.

Tanba ne’e Kalbuadi hakerek karta liu husi e-mail ba Sekretaria CNRT nian atu hatutan nia karta ba Ministériu Públiku relasiona ho nia problema saúde no Covid-19 halo nia labele kumpri TIR, hafoin loron 14 ne’e remata.

“Nia (Kalbuadi) hatene hela nia agora iha prosesu TIR nia laran, ida ne’e mak fó obrigasaun katak kuandu nia viajen ba rai liur fora de dentro iha 14 nia informa ba Ministru Públiku liu husi E-mail hakerek surat ida iha sekretaria CNTR, depois haruka fali surat ba iha Ministériu Públiku katak nia agora dadaun halo tratamentu iha Australia,”dehan Advogadu Kalbuai ba jornalista INDEPENDENTE, Segunda ohin, iha Tribunál.

Advogadu mós esplika, agora dadaun nia labele fila mai Timor tanba situasaun Covid-19. Kalbuady sei too Dili bainhira situasaun normal hikas.

“Ha’u rasik nudar Defeza halo karta ida kuandu nia fila husi Australia nia bele ba presta deklarasaun iha Ministériu Públiku,”tenik nia.

Kalbuady iha Auatralia besik fulan fulan tolu ona, hahú husi loron nia halo viazen 15 fulan-Marsu too 8 fulan Juñu 2020.

Enkuantu tuir observasaun Online INDEPENDENTE katak, maski Timor-Leste sei iha situasaun Estadu Emerjensia, maibé estadu fó fleksibilidade ba nia povu atu halo movimentasaun maibé tenki tuir nafatin regra distansia sosial.

Aviaun Airnorth Australia sei kontinua tula pasajeiru Timor-oan no tula sasan esensiál Covid-19 husi Australia mai Timor-Leste.

Durante estadu emerjensia datoluk, timor-oan lubuk mak sei mai husi Australia ho aviaun Airnorth, mak hanesan diplomatiku balun, eis Sekretáriu Jerál RAEAO, Arsenio Bano no seluk tan.