Jullu, AMD sei Instala ekipamentu Pezadu ra’ut Lixu iha Dili Featured

By Graca de Carvalho Juñu 13, 2024 912
Presidente Autoridade Munisípiu Dili, Gregoriu da Cunha Saldanha. Foto:Google. Presidente Autoridade Munisípiu Dili, Gregoriu da Cunha Saldanha. Foto:Google.

DILI: Iha fulan-Jullu tinan ne’e, Autoridade Munisípiu Dili (AMD) sei estabelese mákina pezadu ba fatin identifikadu sira iha sidade Dili.

Presidente Autoridade Munisípiu Dili, Gregoriu da Cunha Saldanha hatete, makina pezadu halo ona inspesaun jerál, sasán sira kondisaun di'ak hela, depois sei halo amandamentu ba kontratu uluk, tanba dadaun ne'e kontratu refere muda ona.

"Kontratu ida uluk ne'e hatete selu ona 20%, 80% selu tuir mai agora ita tenke muda kontratu ida ne'e, la bele selu hotu 80% ne'e tenke selu tuir progresu obra ne'e, halo to'o presentajen hirak mak selu tuir ida ne'e tanba ida ne'e mak muda kontratu ne'e, prosesu ne'e la'o hela," Presidente AMD Gregoriu Saldanha, iha knaar Fatin Matadoru, Kuarta (12/06).

Kona-ba kontratu, nia dehan, bainhira muda ona halo amandamentu depois mak entrega, tanba ekipamentu sira ne'e kompaña seidauk entrega ba AMD nia liman.

"Sei iha kompaña nia liman kuandu entrega ona mai, mak ita prosesu fali ba halo instalasaun ba fatin sira ne'ebé PMU halo tiha ona tanki sira hodi monta kontentór sira ne'ebe atu tau lixu sira ne'e, ami-nia tárgetu ba buat sira ne'e sei hahú iha Jullu ne'e la'o ona," nia esplika

Kondisaun ekipamentu raut fo’er, nia dehan, iha inspesaun jerál ba ekipamentos sira hotu kuandu iha buat ruma aat ka buat buat ruma falta husu para kompaña rasik atu troka

"Ami prepara hela atu halo inspresaun jerál ba ekipamentos sira hotu kuando iha buat aat ka buat ruma falta ami husi para sira nia rasik troka para nune'e komplento ona sira entrega ona mai Munisípiu Dili para bele Instalan ona," nia afirma.

Tanba la’os AMD deit mak halo inspesaun maibé hamutuk ho ADN ne’ebé relasaun ho servisu inspesaun ne’e.

Rate this item
(1 Vote)
Last modified on Kinta, 13 Juñu 2024 15:03

Independente Digital TV