Diretor Jerál Servisu Migrasaun TL, Inspektór Xefe Polisia, Adelaide da Rosa hateten, durante fulan Janeiru halo atendimentu ba movimentu ema tama no sai total hamutuk 66.238 iha teritoriu Timor-Leste.
"Ami nu'udar autoridade servisu Migrasaun kontrolu ema movimentu durante fulan ida kompostu husi ema tama mai hamutuk 21.736.00 no sai husi TL ba estrajeiru 44.502.00, depois ita halo emisaun ba vistu no estensaun vistu konsege hatama reseita osan $ 176.950.00 ba kofre estadu," dehan Adelaide ba jornalista sira iha knaar fatin edifisiu Ministru interior Villa Verde (06/02).
Nia informa, kona-ba movimentu ema tranjeiru tama mai TL iha fulan janeiru, migrasaun rekuza ema nain 8, tanba sira la priense rekezitu atu tama mai iha teritoriu Timor-Leste.
Nune'e mos servisu migrasaun rejista ema estrajeiru iha TL halo violasaun ba vistu hodi loke prosesu desijensia simples ba ema estranjeiru hamutuk nain 40, konsege abandona voluntariu sai husi TL 13 maioria husi nasaun indonezia.
"Migrasaun halo servisu fulan ida konsege rekuza ema nain 8 no halo prosesu delijensia simples violasaun ba vistu nain 40, depois halo indentifikasaun ita abandona haruka sira nain 13 fila ba sira nia rain tanba komete irregularidade kontra regra TL, ita aplika pena durante tinan 3 sira labele mai tama fali mai TL," dehan nia.
Tanba ne'e iha fulan ida nia laran konsege hatama reseita osan liu husi emisaun vistu no estensaun ba vistu inklui halo produsaun ba utilizasaun rejidensia konsege hatama osan hamutuk $176.950.00 ba kofre estadu TL.
"Sidadaun ne'e hetan autorizasaun ba rejidensia permanente iha TL ita emite ba ema nain 25, kaben mistu nain 22, kompania 3, tanba ita halo autorizasaun ba sira liu prosesu selesaun ho rigorozu ema estranjeiru ho kompania ne'e ita halo verifikasaun fo servisu ema nain hira hela iha TL nia durasaun ba tinan hira, bainhira prense ona rekejitu tuir mak ita foin emite rejidensia permanente ba sira," afirma nia.
Nune'e mos servisu migrasaun, durante fulan ida fo autorizasaun ba ema estranjeiru hela iha TL ho rejidensia temporaria hamutuk ema nIn 157, kaben mostu 49 no kompania 100 ho ema misionariu no misionaria hamutuk ema nain 8 inklui fo emisaun ba ema estadu espesial hamutuk 124 ne’ebé Migrasaun emite bazeia ba koperasaun Servisu entre nasaun ho durasaun tempu tuir kontratu Servisu ne’ebé mak sira aprezenta.
"Entaun ita rejista numeru ema estrajeiru tama mai TL barak liu husi nasaun indonezia sira tama mai ho viza turista mai iha TL, durante fulan ida, kuandu sira husu estensaun ita halo exetensaun konsidera sira hanesan turista," tenik nia.
