Natal mai husi lian Portuges ne’ebé signifika moris. Lia-fuan Natal mai husi fraze Latina Dies Natalis (Loron Moris). Iha lian Ingles selebrasaun Natal hanaran Christmas, husi termu Ingles antigu CristesMaesse (1038) ka Cristes-messe (1131), ne’ebé signifika Missa Kristu.
Dala-barak Christmas hakerek ho Χ'mas, abreviatura ka lia habadak ida ne’ebé par ho tradisaun Kristaun, tanba letra X iha Gregu nu’udar lia habadak husi Kristu ka Chi-Rho.
Selebrasaun Natal foin hahú iha tinan 200 M iha Alexandria, Ejiptu. Teoloju Ejiptu sira hili loron 20 Maiu maibé iha mós selebrasaun balun ne’ebé hala’o iha loron 19 ka 20 Abril. Iha fatin seluk selebrasaun Natal hala’o iha loron 5 ka 6 Janeiru, iha mós balun hala’o iha fulan Dezembru.
Selebrasaun iha loron 25 Dezembru hahú iha tinan 221 husi Sextus Julius Africanus, no foin simu jeralmente iha sekulu da-lima.
Iha selebrasaun Natal iha 25 Dezembru, iha mós tradisaun hanesan ai Natal, karta Natal, troka prezente ho kolega no familia. Aleinde ne’e iha mós istoria Santa Klaus ka Sinterklas.
Iha vida pra-Kristaun Eropa iha tradisaun dezeña ai no hatuur iha uma laran iha selebrasaun balun. Tradisaun Ai Naroman modernu dezenvolve husi Alemaña iha sekulu dala-18.
Iha mós tradisaun haruka karta Natal ne’ebé hahú iha tinan 1843 husi John CalcottHorsley husi Inglatera. Baibain ho imajen ne’ebé iha relasaun ho istoria kona-ba Jejus nia moris no hakerek mós ho lia-fuan Ksolok Natal no Tinan Foun. Daudauk ne’e, ema uza email ka estatutu iha media sosial hanesan WhatsApp hodi haruka karta Natal.
Tradisaun Sinterklas ka Santa Claus (ka Sint Nikolas), nu’udar figura lendaria, ne’ebé vizita labarik sira-nia uma iha kalan boot ho trenó (kereta salju) ne’ebé semo no dada husi rusa hodi fahe prezenta.
Iha Estadus Unidus Amerika figura Natal ne’e hanaran Santa Claus no retratadu dahuluk husi públisidade hemun Amerika dezde tinan 1931 hanesan idozu bokur ida, ho asarahun mutin, no hatais roupa mean ho botas, sintu metan, no uza sapeu.
