Ismael Babo husu ne’e tanba to’o agora refujiadu sira iha Hera no Meti-Aut, tanba  problema  mak rai laiha atu halo konstrusaun uma hodi sir abele hela.

"Ita husu ba komunidade sira atu kontribui ba Estadu katak komunidade sira iha Dili no Hera  rai laiha, sira hare'e munisipiu orijinál iha rai bele muda ba munisipiu," nia hateten foin lalais ne'e.

Bainhira komunidade iha ona rai rasik laiha risku ba dezastre no sira iha rasik dokumentus komprovativu entaun parte protesaun sivil sei iha kooperasaun.

Antes ne'e, Komunidade Portavos Komunidade Apolonia Pires Pereira hateten, iha loron 04 fulan Abril 2021, komunidade iha ne'e fahe ba parte rua,  familia balun hela iha Canossiana Hera no Familia balun hela iha Parokia S.Tiago Hera.

Akontese inundasaun iha 04 Abril 2021, ne'ebé udan kuaze oras ualu nia laran rezulta estragus no komunidade lakon buat barak hanesan uma hela fatin nomos komunidade na’in tolu lakon nia vida tanba bee lori no labarik ida nia isin mate la hetan to’o agora.