Prezidente IGEADI, Ermenegilda da Costa Laurentina hateten, hafoin IGE.IP Transforma fali ba IGEADI koloka ekipa sira ba terrenu hodi halo atendimentu lalais ba komunidade.
“Ohin loron ita halo lansamentu ba Brigada oinsa atu bele apoia ita nia komunidade ne'ebé presiza liu-liu loke estrada foun, melloramentu estrada, normaliza mota no mós situasaun Emerjensia,” nia hateten hafoin lansamentu Brigada iha Kolmera IGEADI Horisehik.
Nia espera katak, brigada nia servisu no responsabilidade bele di'ak liu tan ba povu nia nesesidade.
Estabelesimentu ne'ebé IGEADI koloka ona ba Munisipiu bainhira servisu kontinua la lao sei hetan sansaun disiplinár tuir kompetensia husi Prezidente nian ne'ebé lei iha.
Iha pedidu ne'ebé tama iha IGEADI hamutuk 600 maibé konsege finaliza ona 325 no hela 200 resin atu kontinua hodi bele remata proposta ne'ebé sei iha.
Bainhira Pedidu tama iha IGEADI teknikus sei tun ba haree presiza Ekipamentu hira no kuantidade hira hafoin bele aprova hodi kontinua ba servisu iha terenu maibé bainhira mosu Inundasaun ne'e emerjensia tenke apoiu imediata.
Fatin ne'ebé ekipa atu ba maka Brigada Dautula kobre Munisipiu Baukau, Lautem, Vikeke, Brigada Rosa Muki Kobre Munisipiu Manatutu, Manufahi no Ainaru, Brigada Maria Tapo Kobre Munisipiu Bononaru, Ermera no Kovalima.
Brigada Samba 9 Kobre iha Munisipiu Aileu, Dili ho Likisa no Brigada Sebastião Gomes Rezerva no Apoiu Emerejensia bainhira Brigada Dili laran no mós Ekipa Task Force ida halo Mobilizasaun Operasaun Servisu husi Dili Ba Munisipiu.
Kada Brigada hetan Fasilidade hanesan Makina Exkavadór 5,Buldozer 1,Loader 1,Motor Grader (Operasionál) Vibration Roller 1,Dump Truck 5 no Karreta Operasionál 1.
Husi Brigada ne'e iha ema nain 26 mak hanesan Kordenadór 1,Adjuntu Koordenadór 1,Supervisor 1,Enjeñeiru 1,Operadór 7,Mekánika 3,Motorista 3,Lojistika 1,Armajen 1,Administrasaun Finansas 1,Operadóres 2 no Kuziñeiru 2 ho totál hamutuk 26.
Brigada Tack Force iha ema nain 20 ne'ebé halo operasaun bainhira ekipa brigada husi Munisipiu Presiza atu tan fasilidade Emerjensia iha terrenu.
Razaun IGEADI Tau Naran Eroi sira nia naran iha Brigada ne'e tanba sira luta mak ohin loron TL bele hetan ukun an.
