Diretór Ezekutivu, IADE Filomeno Marcelo Belo hateten, kompetisaun planu negósiu inovativu ne’e, iha prosesu barak ne’ebé lansa ona iha fulan-Fevereiru tinan ne’e tan ne’e kontinua halo kapasitasaun liu husi formasaun ba kandidatura sira.
“kompetisaun planu inovativu ida ne’e iha nia prosesu lubuk ida ne’eb’e ita lansa tiha iha fevereiru fulan kotuk i agora dadauk ita tama ona ba faze ida foramsaun kapasitasaun ba sira 336,” dehan Diretór Ezekutivu iha Salaun CNE, Tersa (30/04).
Nia afirma, tanba prosesu ba selesaun ne’e rigorozu tebes tan ne’e liu formasaun atu bele tais, kandidatu sira nia ideia, ba iha negósiu inovativu ne’e rasik.
“iha prosesu selesaun ne’e mak regiroju oituan, ita bele dehan primeiru iha formasaun ita bele tais ona sira nia ideia, odeia ne’e mai husi juri internu IADE nia ema sira lai ne’ebé ke espesiál ita prepara atu tais sira-nia ideia,” nia esplika.
Koordenadór ba Ministeriu Koordenador Asuntu Ekonómiku, Jorge Martins hatete, kompetisaun ne’e sai hanesan plataforma ida ba empreza lokál sira atu hatudu sira nia inisiativu kreatividade no assume estratejiku hodi promove komersiu kompetativu iha setór hortikultura nia laran.
“hanesan ita hatene Timor-Leste agrikultura forma ita-nia ekonómiku, hodi sustenta ita-nia moris kondisaun moris ne’ebé mak signifikante tebes depende ba agrikultura,” nia hato’o.
Kordenadór afirma, ba kandidatu sira ne’ebé ho aten brani atu halo negosiu iha área hortikultura, tanba horitkultura sai hanesan setor ida ne’ebé importante iha dezenvolvimentu sustentavel iha nasaun ida.
Enkuantu, Kandidatu 336 partisipa iha kompetisaun planu negosiu inovativu kompostu husi mane 173 no feto 163 ne’ebé mai husi minisípiu 12, la inklui Rejiaun Adminsitrativa Espesial Oekusi Ambeno (RAEOA).