Xefe Suku Bairo-Pite Joaniha Alves hatete, komunidade iha Suku Bairo Pite mós sai mos alvo ba despezu administrativu maibé seidauk simu notifikasaun husi SEATOU.
Nia dehan, nia parte husu ba ekipa konjunta ne’eb’e lidera husi SEATOU, bainhira atu halo despezu administrativu, tenke informa uluk ba parte relevante, liliu Xefe Suku, hafoin hasai komunidade sira husi sira-nia hela fatin.
“karik notifikasaun iha primeiru hanesan Xefe Suku liman ain estadu ba governu ida ne’e, i hanesan autoriedade lokál tenki obedese ba lei ne’ebé asegura hela entaun atividade saida de’it mak governu nian ba autoridade lokál ami labele tolak,” dehan Xefe Suku
Nia hatutan, Maibé antes governu atu hasai populasaun ida tenki iha uluk informasaun sedu antes atu hasai.
Nia dehan, Bairo-Pite mos sai alvo ba despezo administrativu, tanba ne’e nia parte avizu ona ba komunidade sira liu husi Xefe Aldeia no komunidade mós koopera ho governu maibé tenki iha uluk inforamsaun atu nune’e sira bele prepara.
Bainhira hetan notifikasaun ruma husi SEATOU nu'udar autoridade lokál, tenke obedese ba lei ne'ebé asegura hela, tanba ne'e kualkér atividade husi governu nian tenki simu.
Entretantu, komunidade ne'ebe okupa espasu publiku hodi hala'o negosiu iha Suku Bairo Pite mak iha área Jardin, maioria okupa husi aldeia Sama Tama, Um De Janeiro, Avansa, Tane Timor No Fraekat.