Tanba ne’e, tuir orientasaun MOP katak kliente hein de’it iha uma ho kaer telefone hakerek EDTL# nú. kontadór haruka ba nú. operadór 12150, ne’ebé validu ba kompañia telekomunikasaun, Timor Telekom, Telemor no Telkomsel.

MOP asina ona Memoradun Entendimentu (MoU) ho operadór tolu, hanesan Telemor,TT no TELKOMSEL kona-ba subsidiu pulsa eletrisidade ba kliente hamutuk 160.555 iha teritoriu Timor-Leste tomak.

Tuir MOP, Salvador Eugenio Pires hatete, asina MoU na’in tolu ne’e hetan despaisu husi Ministériu Transporte Komunikasaun (MTK),liu husi Autoridade Nasional Comunicacao (ANC).

"Numeru hotline ne'e bele hahú funsiona ona segunda, nune'e kliente sira hela de’it uma, bele sms numeru kontadór mai Hotline automatikamente sira bele hetan ona token no pulsa bele ense ona,"dehan Ministru Obras Publikas ne’e, iha EDTL Kaikoli,(03/04).

Governante ne'e dehan, intensaun husi politika halo ezensaun tarefa atu prevene kliente no populasaun sira konsentra iha fatin ida atu bele kombate covid-19.

Nia dehan, kliente sira ne’ebé laiha telefone tenki buka meus hodi hetan pulsa ne’e.

Fatin hanesan reprezentante husi Operador Telecomsel, Samatha Abel hatete, sira prontu ona atu implementa saida mak Governu fó ona fiar.