Ministra Solidariedade Sosial no Inkluzaun veronica das Dores hatete, objetivu husi seremonia asina akordu bilateral entra Timor-Leste ho Portugal oinsa atu asegura direitu traballadór iha seguransa sosial nian ho dignu ba traballadór timoroan iha Portugal.
Ministra dehan, husi asinatura ba akordu ne'e bele garante mobilidade no sirkulasaun traballadór nasaun rua nian atu kumpri no garante direitu laborál no protesaun sosiál.
Hau fiar katak Akordu hirak nee reforsa liután relasaun kooperasaun no amizade entre Timor-Leste no Portugál,” dehan Ministra MSSI liu husi komunikandu ne’ebé Online INDEPEDENTE Sita.
Ministra afirma, antes ne'e konvensaun kona-ba seguransa sosiál entre Timor-Leste ho Portugál asina ona iha fulan-Juñu 2022, iha Díli ne’ebé hetan ona aprovasaun husi nasaun rua no sei hahú vigora iha tempu badak. Konvensaun ida nee abranje/kabe ba traballadór no sidadaun nasionál Timor-Leste no Portugál nian no iha objetivu duplu.
Ministra Akresenta, iha parte seluk, konvensaun ne’e asegura katak karreira kontributiva traballadór nasaun rua nian, nafatin iha konsiderasaun ba períodu kontributivu rua, independentemente husi traballadór sira ne’ebé husik hela nasaun estranjeiru iha ne'ebé sira halao servisu ba no fila ba sira nia nasaun orijen.
“Haree ba mobilidade traballadór ne'ebé aas entre Timor-Leste no Portugál, regulasaun relasaun husi sistema Seguransa Sosiál rua nian ne’e importante tebes. Tanba ne’e, kona-ba relasaun amizade no koperasaun ne’ebé ita hotu senti no orgullu tebes, no ida ne'e hanesan mós onra ida ba ha’u tanba konvensaun bilaterál dahuluk kona-ba seguransa sosiál ne’ebé Timor-Leste selebra ho Portugal,” haktuir Ministra.
Konvensaun ne’e atu bele aplika efetivamente, importante atu regula aspetu konkretu balun, liu-liu kona-ba termu komunikasaun entre sistema seguransa sosiál nasaun rua nian.
Iha fatin hanesan, Ministra MTSSS Portugal Ana Mendes Godinho agradese ba Embaixada TL iha Portugal-Lisboa liu husi Embaixadora Isabel Amaral Guterres ninia esforsu no dedikasaun serbisu neebé diak bele ajuda rezolve situasaun traballadór timoroan sira ne'ebé infrenta iha Portugal.
Enkuantu, Akordu rua kona-ba administrativu aplikasaun konvensaun seguransa sosial ne'e asina husi Ministériu Solidariedade Sosial no Inkuzaun no Mobilidade Traballadór ba Timoroan asina husi Sekretariu Estadu Formasaun Profisional no Empregu (SEFOPE) Rojério Soares Mendonça.
