Kongratula ba nono governu konstitusional no depois ba pesoa vise primeiru ministru, ministru koordenador asuntu ekonomiku no ministru turizmu no ambiente halo forum refere. Forum hanesan ne'e importante tanba lori empreza internasional mai hodi bele konkista bele investe iha Timor.
"Mas (atu ema bele investe) primeiru ne'ebé ita tenke halo pás no estabilidade iha ita-nia rain ne'e númeru um. Kuandu laiha pás ema sei la mai investe tanba ta'uk," dehan nia, iha salaun multiuzu GMN, horisehik.
Alende ne'e, nia mos salienta, ninia amigu empreza internasional barak maka hakarak investe, maibé estadu presiza garante nune'e ema investe labele sente lakon le'et de'it.
Sira hanoin, maibé kuandu halo investimentu ema sei mai halo levantamentu ba dadus. Kazu labele iha, labele dehan rai ne'e baku malu hela de'it baku malu hela de'it.
Nune’e, lei balun kona-ba rai keta ladun loos, buat sira ne'e ema haree hotu, porke ema atu mai halo investimentu ne'e lori ema nia osan mai. Kuandu nia haree maka lei ba rai la loos no mosu konflitu hela de'it, nia lakohi investe tanba ta'uk.
"Nia tenki haree buat hotu-hotu loos hotu ona, halo levantamentu ba dadus kompletu (la iha problema ba rai no laiha konflitu), mak nia haree ba dehan fo benefisiu para atu hetan retornu nia mai, se la'e nia la mai," hakotu nia.
Tuir observasaun, konvidadu intenasional sira ne'ebé marka prezensa kompostu empreza sira hosi nasaun Malazia, Indonezia, Xina, Olanda inklui CEO Sofitel Phnom Penh, Kambodia ne'ebé nu'udar mos reprezentante empreza Thailand, Kambodia, Vietname, Laos no Myanmar.
Konvidadu hirak ne'e hotu to'o iha tuku 08:00 OTL, maibé la hakat direta tama ba salaun multiuzu laran mas sei responde hela sesaun foto iha palku ne'ebé mak komisaun organizadora sira prepara ona, no bainaka hirak ne'e hetan seguransa hosi masimu Polisia Nasional Timor Lorosa'e liu-liu hosi departamentu tranzitu.
No liu tiha minutu balun liu-liu iha tuku 09:00 xefe governu Kayrala Xanana Gusmao foin to'o iha fatin seremonia forum bisnis internasional salaun multiuzu GMN Bebora no iha tuku 10:00 liu minutu balun hala'o kedas diskursu abertura ba programa ne'e.
