Tuir Ministra Finansas interina, Sara Lobo Brites, montante subsídiu ba doutór sira inklui ajente sira ne’ebé hola parte iha prevensaun Covid-19 foin mak ko’alia kona-ba proposta ba dekretu legál.

“Maibé seidauk fiksa montante tanba foin ko’alia jerál de’it,” dehan nia, iha edifísiu Ministériu Finansas, Ai-Tarak Laran, horisehik.

Tanba ne’e, nia dehan, diploma ne’e mós fó knaar ba governu atu fiksa tuir gravidade husi propagasaun Covid-19 rasik.

Nia dehan, governu nia kompeténsia husu para kontribui ba prevensaun Covid-19, maibé númeru ne’ebé atu kontribui sei fiksa fali ho regulamentu ruma.