"Ohin dadersan tuku 9 ita-nia mediku iha kuarentina Leokassi ne'e atu halo atendimentu ba sira, maibé ita-nia alin sira iha ne'e la kolabora no sira lakohi ita-nia mediku sira halo screening ba sira-nia saude," dehan Armando ba jornlaista iha aredores Hotel Leokasi, Tersa (21/04).
Ho nune'e, nia hatutan, mediku sira komunika ba polisia no doutor hodi mai halo esplikasaun ba sira no husu atu sira kumpre pesoal saude sira.
"Ho atetude ne'e mak komunika ha'u ho doutor Narcisio Fernades hodi nune'e to'o mai iha ne'e hodi komunika ba sira atu nune'e sira tenke kumpre no halo tuir ita-nia pesoal saude sira ne’ebé mak durante ne'e hamutuk ho sira hodi halo asistensia ba sira loron ba loron," dehan nia.
Komandante ne'e hatutan, maioria estudante ne'ebé hela iha kuarentena ne'e hakarak hatene hotu serbisu espesiais ne’ebé pesoal saude sira hala'o.
"Ita haree ba fatin hirak ne’ebé mak akontese karakteristika ita-nia estudante sira ne'e talves iha servisu espesifiku balun ne’ebé mak talves mediku hala'o, maibé sira mós obriga mediku sira hakarak hatene, entaun husi ida ne'e mak hodi sira la kolabora ou tenta rezeita no ameasa, intimida ita-nia mediku sira," dehan nia.
