Projetu ne'e aprezenta husi Ministru Interior (MI), Francisco da Costa Guterres no Ministru Defeza (MD) Donanciano do Rosário Gomes.
Konsellu Ministrus hala’o sorumutu iha Palásiu Governu, Dili, no aprova projetu Dekretu-Lei, ne’ebé aprezenta hosi Ministru Interiór, Francisco da Costa Guterres, no Ministru Defeza, Donaciano do Rosário Gomes, ne’ebé kria Subsídiu Operasoins ba Vizita Sua Santidade Amu-Papa nian.
"Projetu Dekretu-Lei ida-ne’e ho objetivu atu kria subsídiu operasoins espesífiku ida hodi fó kompensasaun ba polísias hosi Polísia Nasionál Timor-Leste (PNTL) no militár sira hosi FALINTIL-Forsas Defeza Timor-Leste (F-FDTL) ba kondisaun serbisu sira ne’ebé espesiál durante vizita Sua Santidade Papa Francisco mai Timor-Leste, ne’ebé sei hala’o hosi loron 9 to’o loron 11 fulan-Setembru 2024," dehan komunikadu ne'ebé Online INDEPENDENTE asesu iha Pájina PCM, Kuarta (21/08).
Enkuantu, Papa Francisco sei vizita Timor-Leste durante loron tolu hahú husi loron 9 to'o loron 11 fulan Setembro tinan ne'e.
