Governu Presiza Tau Atensaun Masimu ba Asuntu Infaestrutura Bázika Featured

By Ivonia Varela Novembru 29, 2023 1329
Koordenador Veteranu Postu Kelikai, José Idelfonso Soares. Foto:INDEPENDENTE/Ivonia. Koordenador Veteranu Postu Kelikai, José Idelfonso Soares. Foto:INDEPENDENTE/Ivonia.

BAUKAU: Timor-Leste restaura ninia independensia ba dala-48 ona, maibé povu nafatin halerik ba infraestrutura bázika sira hanesan, bee moos, eletrisidade, estrada, saúde, edukasaun, no mós nenesidade bázika sira seluk.

Tuir Koordenador Veteranu Postu Kelikai, José Idelfonso Soares hatete, Timor-Leste ukun an tinan barak ona, maibé dezenvolvimentu seidauk la’o ba oin, tanba povu seidauk sente ba dezenvolvimentu.

Ho  nune’e, Veteranus ne’e husu ba Governu atu, tau atensaun masimu ba problema enfraestrutura bázika, iha teritoriu nasional.

“Dezenvolvimentu seidauk la’o, ita hare ba estrada, bee moos ne’ebé iha munsipiu mós seidauk hetan,” dehan nia hafoin partisipa komemorasaun loron proklamasaun independensia ba dala-48, iha Suku Letemumo, Kelikai, (28/11).

Veteranus ne’e husu ba IX Governu Konstituisionál atu aselera lalais dezenvolvimentu iha TL liliu Estrada, bee moos, sentru saúde no eletrisidade, ne’ebé iha suku balun seidauk asesu.

Iha fatin hensan, Komunidade Costodio José Belo senti orgullu hodi komemora loron proklamasaun indepedensia ba dala-48, maibé nia parte husu ba Governu, atu apoiu nafatin fasilidade ba povu sira ne’ebé mak presiza liu.

“Ba Governu, husu atu atende nafatin povu ka sidadau sira nia nesesidade liliu fasilidade sira ne’ebé povu presiza iha sira nia moris loron-loron, nune’e povu iha rai ida ne’e bele moris ho kontenti,” nia hakotu.

Rate this item
(0 votes)

Independente Digital TV