Estudante 275 Husi DIT Gradua Ona Featured

By Estajiaria Graça Sandra Carvalho Novembru 29, 2023 2791
Estudante finalista na’in 275 husi Dili Institutu Of Technology kuarta ne’e gradua ona. Foto:INDEPENDENTE/Graça. Estudante finalista na’in 275 husi Dili Institutu Of Technology kuarta ne’e gradua ona. Foto:INDEPENDENTE/Graça.

DILI: Estudante finalista na’in 275 husi Dili Institutu Of Technology kuarta ne’e gradua ona ho nivel lisensiatura ba dala-XVII no Majestradu ba dala-VI.

Enkuantu, estudante na’in 275 mai husi fakuldade sira hanesan, fakuldade enjiñaria ema na’in 87, petroleo ema na’in 34, manajementu ho business hamutuk na’in 117, turizmu no hospitalidade iha ema na’in 32 no programa majestradu ba negosiu no administrasaun hamutuk na’in 5.

Tuir Reitór DIT Salustiano Reis Piedade, hatete, loron ida ne’e momentu ida ne’ebé importante tebes, tanba hanesan, Reitór  bele atribui tana grau akadémiku ba estudante finalista sira.

 “Sermonia graduasaun hanesan ultimu eventu akademiku ba sira tanba ne'e ohin loron selebra sira nia susesu ne'ebé konkuli ona sira nia estudu iha DIT,”dehan nia, iha Salaun DIT, (29/11).

iha fatin hanesan, Xefe Estadu Maior Jeneral F-FDTL, Tenente   Jeneral Domingos Falur Rate La’ek hato’o obrigadu ba familia estudante sira, tanba sira nia apoiu mak ohin loron oan sir abele hetan graduasaun.

"Se la iha ita boot sira-nia domin, se la iha ita boot sira-nia komitmentu. ita nia graduadus sira sei la mai iha fatin ne'e, sira nia susesu mak hanesan reflesaun husi ita boot sira, tanba ita boot sira nia apoiu fó forsa ba sira. Ita-boot nia apoiu haforsa sistema edukativu iha Timor-Leste,"dehan nia.

Nia dehan, edukasaun ne'ebé ho kualidade fó mós dalan ba foin-sa'e sira ho ideia inovativu atu ajuda rezolve problema iha nasaun, iha sosiedade, no sai emprendedorizmu hodi kria kampu servisu ba maluk timoroan sira.

Aleinde ne’e mós, Graduandu Filizarda Mendonça agradese ba parte hotu ne'ebé hetan apoiu iha asistensia ba prosesu hotu.

"Ita tenke agradese ba parte hotu tanba razaun ne'e ha’u reprezenta graduados sira hato'o obrigado”.

Rate this item
(0 votes)
Last modified on Kinta, 30 Novembru 2023 11:36

Independente Digital TV