Governu Presiza Promove EhD Ne’ebé iha Talentu Featured

By Estajiaria/Graca Dezembru 01, 2023 1364
Primeiru-Ministru, Kay Rala Xanana Gusmão husu ba Ministériu Solidariedade Sosiál no Inkluzaun (MSSI) no ministériu relevante no instituisaun estadu sira nian hotu atu halo indentifikasaun di’ak hodi promove ema ho difisiénsia ne’ebé iha talentu ba muzika, arte no seluk tan.Foto:Media GPM. Primeiru-Ministru, Kay Rala Xanana Gusmão husu ba Ministériu Solidariedade Sosiál no Inkluzaun (MSSI) no ministériu relevante no instituisaun estadu sira nian hotu atu halo indentifikasaun di’ak hodi promove ema ho difisiénsia ne’ebé iha talentu ba muzika, arte no seluk tan.Foto:Media GPM.

DILI: Primeiru-Ministru, Kay Rala Xanana Gusmão husu ba Ministériu Solidariedade Sosiál no Inkluzaun (MSSI) no ministériu relevante no instituisaun estadu sira nian hotu atu halo indentifikasaun di’ak hodi promove ema ho difisiénsia ne’ebé iha talentu ba muzika, arte no seluk tan.

Xefe Governu informa, foin lalais iha serimónia aniversariu Telekomocel nian, promove ema ho difiensia feto ida no mane ida ne’ebé Telkomcel indentifika sira iha talentu di’ak no simu premiu husi Telkomcel.

“Horseik ha’u ba tuir eventu ida iha telkomsel nian, sira fó premiu bae ma na’in rua, husi sira rua ne’e ida ema ho defisiénsia, ne’e hatudu katak, Governu liu husi Ministeriu Solidariedade Sosial no Inkluzaun no Ministeriu sira seluk atu dezenvolve diak liu tan ema ho defisiénsia balun ne’eb’e bele hakerek, no talentu sira seluk, hanesan kanta, toka no halo buat mesak kreativu,”dehan PM Xanana iha loron mundiál ema ho difisiénsia, iha Sentru Konvensaun Dili, (01/12/23).

Governu liu husi MSSI rejista ema ho difisiénsia hamutuk rihun 27 maka iha Timor-Leste, no ema ho difisiénsia atu la’o labele mós, sira ema umana no merese hetan respeitu aas hosi familia uma laran no sosiedade.

Xefe Governu dehan, iha ema ho defisiénsia barak mak iha talentu, tanba ne’e Ministeriu Solidariedade Sosial no Inkluzaun la’os atu  fó apoiu deit maibé tenki haree no dezenvolve liu husi asaun hodi promove ema ho defisiénsia nia talentu sira no kapasidade atu nune’e bele hetan inkluzaun iha sosiedade nia leet.

Xefe Governu mós akresenta, Governu da-sia sei servisu hamutuk ho ho sosiedade sivil no organizasaun internasionál hodi promove kreatividade ema ho difisiensia sira hodi kontribui di’ak liutan ba dezenvolvimentu no domokrasia iha Timor-Leste.

Iha fatin hanesan, Ministra Solidadriedade Sosial no Inkluzaun, Veronica da Dores hatete, sei buka dalan atu implementa programa prioridade hirak ne’ebé Governu hatur ona hodi bele atinji objetivu dezenvolvimentu sustendavel ka ODS iha Timor-Leste.

Nia dehan, servisu hirak ne’e la’ós ministeriu nian deit maibé organizasaun sira mós tenki fó liman ba malu atu bele lori dezenvolvimentu diak liu tan.

Entretantu, Diretór Ezekutivu Asosiasaun Defisiénsia Timor-Leste, Cesário da Silva, hatete, atu atinji objetivu dezenvolvimentu sustentavel  konta mós ho ema hotu-hotu.

Nune’e, ema ho defisiénsia presiza ema hotu nia atensaun tanba Timor-Leste iha politika ida diak tebes ba asuntu inkluzaun ema ho defisiensia, maibé Asosiasaun Defisiénsia Timor-Leste triste tanba asaun ida ne’e hela deit ho politika nune’e husu atu implementa, atu ema ho defisiénsia mós asesu ho diak iha setór hotu.

Enkuantu, hafoin partisipa serimónia ne’e, Primeiru-Ministru no membru governu sira kontinua vizita fatin expozisaun hodi sos asasán artejenatu hirak ne’ebé ema ho difisiensia sira halo no fa’an.

Rate this item
(0 votes)
Last modified on Sábadu, 02 Dezembru 2023 14:15

Independente Digital TV