Governu Lansa Programa Futuru Líder ASEAN ba Timoroan sira Featured

By Ivonia Varela Abril 03, 2024 174
Governu Konstitusionál dasia liuhosi Gabinete Vise Ministra Asuntu Asosiasaun Nasaun Sudeste Aziátiku (ASEAN, sigla inglés), lansa Programa Futuru Líder ba ASEAN (FLBA) ba foin sa’e no líder futuru iha nasaun ida ne’e nian, Iha Salaun Multiouzu GMNTV, Kuarta (03/04/24). Foto: INDEPENDENTE. Governu Konstitusionál dasia liuhosi Gabinete Vise Ministra Asuntu Asosiasaun Nasaun Sudeste Aziátiku (ASEAN, sigla inglés), lansa Programa Futuru Líder ba ASEAN (FLBA) ba foin sa’e no líder futuru iha nasaun ida ne’e nian, Iha Salaun Multiouzu GMNTV, Kuarta (03/04/24). Foto: INDEPENDENTE.

DILI: Governu Konstitusionál dasia liuhosi Gabinete Vise Ministra Asuntu Asosiasaun Nasaun Sudeste Aziátiku (ASEAN, sigla inglés), lansa Programa Futuru Líder ba ASEAN (FLBA) ba foin sa’e no líder futuru iha nasaun ida ne’e nian.

Iha diskursu, Primeiru Ministru (PM), Kay-Rala Xanana Gusmão hatete, programa ne'e akontese iha momentu ne'ebé importante tebes, hodi promove futuru líder ba ASEAN no promove inovasaun hosi kontribui ba futuru sustentável no prósperu.
"Ida ne'e la'ós de'it hanesan sinál ida husi ita-nia komprimisu ba integrasaun no kooperasaun internasionál no rejionál, maibé mós marka pasu pozitivu ida ba ita-nia jornada iha dezenvolvimenta nasionál. Lansamentu Líder Futuru Timor-Leste ba ASEAN, kontente bo’ot ida ba ha’u atu hato’o bem-vindo ba ita bo’ot sira. Ita senti onradu ho Sekretáriu Jerál ASEAN ninia prezensa iha dader ida ne’e. Ami senti kontenti ba ita-nia vizita, ida ne’e demonstra apoiu ASEAN nian ba Timor-Leste-nia viajen iha prosesu adezaun ba ASEAN”, dehan PM iha salaun Multiuso GMNTV Bebora, kuarta (03/02).
Xefe Governu, konsidera ho prezensa líder ASEAN ne’e nian orienta no konsellu ba Governu Timor-Leste. No PM manisfesta mós ninia rekoñesimentu ba membru governu sira, amigu korpu diplomátiku, reprezentante setór privadu sira, ajénsia internasionál, sosiedade sivíl no akadémiku.
“Ha’u mós hakarak rekoñese no kongratula partisipante grupu primeiru iha lansamentu Programa Líder Futuru Timor-Leste ba ASEAN. No partikularmente importante ba Timor-Leste iha momentu ida ne’ebe ita komesa la’o. Programa ne’e hanesan investimentu ba ita-nia futuru no ba ita-nia nasaun nia futuru. Dezenvolve líder jerasaun foun importante tebes ba kualker nasaun, partikularmente ba Timor-Leste, ida ne’e importante tebes ba ita-nia preparasaun finál adezaun ba ASEAN”, Xefe Ezekutivu dehan.
PM dehan, programa ida ne’e nu’udar sinál ida ba Timor-Leste nia integrasaun no kooperasaun rejionál no marka pasu signifikativu ida ba nasaun-nia jornada dezenvolvimentu nasionál. Tanba ne’e atu investe iha jerasaun foun nasaun nian.
No IX Governu konstitusionál identifika dezenvolvimentu umanu mak kapital sosiál nu’udar área prioritária ba investimentu, diversifikasaun ekonómika, dezenvolvimentu infraestrutura no boa governasaun. fiar katak TL nia adezaun ba ASEAN sei aumenta tan prioridade sira.
“TL nasaun joven ida ne’ebé ninia poténsia sira seidauk esplorada. Ita-nia jovén sira, inklui líder futuru ne’ebé mak marka prezensa iha ne’e sei dezempeña papél esensial iha aselerasaun ba ita-nia progresu. Ita iha kompromisiu hodi kria oportunidade ne’ebé permite jovén sira hodi konkretiza sira nia potensia. No ita sei foti asaun konkreta hodi realzia ida ne’e”, PM Xanana afirma.
Líder Karismátiku ne’e fiar investe iha líder jerasaun foun, sei ajuda nasaun no mellora dezafiu globál hanesan promove inovasaun no kontribui ba futuru sustentavel no prósperu.
Programa Líder Futuru Timor-Leste ba ASEAN nu’udar forma ida husi investimentu iha lideransa hodi hakat ba integrasaun iha rejiaun ne’e.
“Ba líder na’in-100 ne’ebé mak marka prezensa iha ne’e, ha’u-nia deseju ba ita hotu nia susesu ho programa ne’e. Ida ne’e nu’udar ita-nia envolvimentu ba ita-nia viziñu ASEAN. Ha’u espera katak imi sei partilla benefísiu husi imi-nia esperiénsia iha programa ne’e ho imi-nia kolega sira hosi Timor-Leste noóos iha imi-nia lideransa iha futuru ho parseiru ASEAN. Parabéns no boa sorte”, PM Xanana dejeza.
Líder foinsa'e hamutuk ema 100 mak liu iha prosesu aplikasaun no selesaun rigorozu. Foinsa’e hirak ne'e mai husi lalo'ok moris no setór oioin, inklui sira ne'ebé servisu iha setór públiku, setór privadu, jovén empriendedór sira, organizasaun sosiedade sivíl, akadémiku no ajénsia internasionál. Feto konstitui 56 pursentu husi partisipantes.

Rate this item
(0 votes)
Last modified on Kuarta, 03 Abril 2024 19:21

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30