“Ita agradese ba Governu Indonezia ne’ebé oferese ona ró ida mai Timor-Leste, ró ida ne’e nia servisu atu halo evakuasaun pasiente sira husi Postu Atauro mai Dili, ita espera katak ba oin ne’e laos deit evakua pasiente sira husi Atauro no Oekuse maibé bele mos iha area sira ne’ebé kuandu asesu transporte la bele, entaun ita bele evakua ita nia pasiente sira,”dehan Diretór Servisu Nasional Ambulansia no Emerjensia Medika, Orasio Sarmentu da Costa, iha Porto Dili, kinta ne’e (25/11).
Enkuantu, ró ambulansia ne’e sei akumula ema hamutuk na’in 25 no kapitaun ró na’in ida inklui navegador na’in tolu. Ró ne’e sosa husi Governu Indonezia ho montante osan dolar amerikanu rihun $220.
Entretantu, Ministra Saúde, Odete Maria Freitas Belo, apresia ba povu Indonezia ne’ebé fó apoia ró ambulansia ne’e ba Governu Timo-Leste no mós solidariedade husi povu Indonezia durante pandemia Covid-19.
Asistente Editor: Saturnina da Costa
