Ministeriu Edukasaun Juventude no Desportu Armindo Maia hato'o agradese ba Sekretariu Estadu Juventude no Desportu (SEJD) ho nia parseira desenvolvimentu UNICEF ne'ebè apoiu ona asesibilidade ba ema difisiensia sira.
"Lori governu nia naran agradese ba SEJD no UNICEF ne'ebé servisu hamutuk hodi apoiu no konsege konstrui fasilidade asesibilidade ba ita nia joven no adolesentes sira ne'ebé moris ho defisiénsia," dehan Ministru iha Resintu SEJD lecidere, Tersa(20/12).
Ministru hatutan, ho finalizasaun projetu infrastrutura ne'e jovem ho difisiensia no adolsentes sira bele partisipa ona kualker aktividade iha resinto SEJD sei asesu ba fatin sira ne'ebe durante ne'e sira iha difikuldade atu asesu.
Fatin sira ne'ebé EhD susar atu asesu mak hanesan sala enkontru, fasilidade desportu hanesan kampu basketbol ho voleibol haris fatin no mós bele tama iha resintu SEJD nia husi estrada boot.
"Hanoin katak konstrusaun fatin asebilidade bele inspira no enkoraja instituisaun sira seluk pùbliku no privadu atu bele kontepla ba garrante asesibilidade iha sira nia fasilidade sira ba ita nia joven no adulsentes sira no mos pùbliku enjeral ne'ebè moris ho difisiensia," nia informa.
Iha fatin hanesan reprezentante UNICEF iha Timor-Leste Bilal Aurang Zeb Durrani hateten, UNICEF nia servisu laos deit ba labarik sira maibe sira mos apoiu hotu ba ema ho difisiensia no adolsentes sira.
"Ami nia partida iha servisu importante ba jovem adolsentes sira ne'e servisu kle'an liu oinsa atu asegura direitu ba jovem difisiensia sira," dehan nia.
Bilal hatutan, atu asegura jovem ho difisiensia sira ho misaun ne'ebè iha mak oinsa ema hotu bele asesu ba fatin publiku sira ida mak hanesan iha SEJD.
"Ho esperansa ida mak ami espera katak edifisiu pùbliku sira seluk bele halo tuir ina ezemplu ne'ebè ami halo kontrusaun fasilidade Asesibilidade iha resintu SEJD ne'e," nia hato'o.
Enkuantu orasamentu ba konstrusaun fasilidade asesibilidade ba ema ho difisiensia ne'ebé husi UNICEF hamutuk dolar amerikanu rihun $30.