Diretóra Nasiona-MKI, Manuela da Silva Tilman hatete, relasiona ho loron bo'ot ida ne'e, MKI liu husi Dirasaun Nasional Regulasaun Komerkial ne’ebé tutela ba Diresaun Jeral Komersiu husu bá Publiku atu labele hafodak kona-ba folin sasan iha merkadoria, tanba tuir MKI nía observasaun katak sasan agora dadaun folin sei normal to’o loron bo'ot liu.
Tanba, fós husi distributor perissos, fós husi india ho marka Amor de familia 20kg $ 12,25 no 25 kg $ 15.50, fós husi Thailandia ho marka gostu los 20 kg $ 12,75 no 25kg $ 16, fós husi Vietnam ho marka Folsom 20 kg $ 18, fós husi Xina ho marka manu vitoria 20kg $12.75 25kg $16, fós husi India ho marka sabur do Amor ho todan 25kg iha $15.25, fós husi India Beruang Merah $ 16.25, fós husi Pakistan ho marka Kolombus $15.75.
“Fós agora dadaun iha armazen distributor perisos total hamutuk 20.000. toneladas e Ró 3 mak agora dadaun tama tan, tuir mai Diretor Kompañia perissos fó informasaun, katak iha janeiro nia laran, fós ida ne'ebé iha nutrisaun aas no saudavél ba labarik sira, fós ho marka LABARIK MATENEK sei tama tan toneladas 500,40 husi Nasaun India,” dehan Diretora Nasional iha Gabinete Vise-Ministru MKI Bebora, Segunda (23/12).
Diretora ne’e hatutan, enkuantu konaba masin midar husi india ho saka 50kg agora dadaun folin husi $40,37 tun ba $33 no masin midar 5kg $4,50, 2kg ho folin $1,50, no 1kg ho folin $1,00.
Enkuantu, ba mina sona, hanesan mina bimoli litru 5, kaixa ida $26.50, enkuantu ba jerigen ida ho folin $7,50, mina kolombus ltr 4.3, kaixa ida $23,50 no jergen ida $6,50, mina gostu los 4.5 ltr Kaixa ida $25.00 no jergen ida $ 6.50, mina sania 2 ltr kaixa ida $17.00 no masa ida $3.00, aliened mina bimoli 2ltr kaixa ida$17,00 no masa ida iha $2.75 to’o $3.50.
Mantolun lokal kaixa ida, ho kategoria A $59,00 no kada rak $5.50, kategoria B $56,00 no kada rak $ 4,65, Kategori C $53,00 no kada rak $3,75 no mós kategori D iha kada rak $3.50.
Terigu ho marka tali biru ho todan 25kg kada saka ho folin $16,35, terigu ho marka falkom ho todan 25 kg kada saka $15,75, terigu marka kompas 1kg, kada kaixa, $7,5 kada kilo $0.95-$1,00.
Supermi Mie sedap soto kada kaixa ida ho folin $6,70, mie sedap goreng kada kaixa $7,10, no mie sedap koreia kada saka $7,10.
Iha biban ne’e, Diretóra ne’e apela ba komsumidor sira bainhira kompañia sira hasa’e folin sasan iha selebrasaun loron natál no tinan foun, mak tenke hato’o ba governu liliu Ministeriu Komersiu no Industria liu husi Diresaun Nasional Regulasaun Komersial hodi haree asuntu ne’e.
“MKI hakarak relata ba publiku katak komesa husi fulan outubru to’o agora folin ba nesesidade bázika la’o normal, hahú husi Dili to’o ba munisipiu 13, karik iha kompaña balun mak sei halimar ho folin sasan liliu ba nesesidade bázika halo favor ita bo’ot sira hanesan konsumedores halo favor bele mai aprezenta iha MKI,”nia hakotu.
