“Kona-ba projetu Dekretu-Lei ne’ebé aprova iha sorumutuk Konsellu Ministrus iha loron 1 fulan-fevereiru tinan 2023, nune’e define pagamentu ba subsídiu fim do ano nian sei hala’o husi fulan-novembru tinan 2022 to’o fulan-outubru tinan 2023, suspende durante períodu kampaña eleitorál ba eleisaun deputadu sira ba Parlamentu Nasionál,”Online INDEPENDENTE sita iha komunikadu, kuarta (15/03).
Enkuantu, tuir dadus, total uma-kain ne’ebé asesu ba subsidiu fim do ano hamutuk 339.000 ho nia orsamentu hamutuk dolar amerikanu $79.800.000. Husi númeru ne’ebé halo pagamentu, iha reklamante hamutuk na’in 8.812.
Entretantu, Konsellu Ministru mós aprova proposta husi Vise-Primeira-Ministra no Ministra Solidariedade Sosiál no Inkluzaun ba alterasaun projetu Dekretu-Lei kona-ba apoiu pontuál sir aba vulneravel sira.
Ho nune’e, relativa ho projetu Dekretu-Lei ne’ebé aprova ona iha sorumutuk Konsellu Ministrus iha loron 25 fulan-janeiru tinan 2023, nune’e define ona diploma ne’e tama iha vigór iha loron 1 fulan-juñu tinan 2023.
