"Projetu ida-ne'e hanesan obra fundamentál ida hodi hadi'a liután setór ensinu superior públiku nasionál nian, hodi buka atu kapasita no hadi'a kualidade rekursu umanus iha Timor-Leste iha nivel tékniku," dehan Ministru Prezidensial Konsellu Ministru, Fidelis Leite Mangalhães iha Palasiu Governu, Kuarta (10/05).
Nia dehan, montante másimu ne'ebé prevee iha tabela aneksa ba rezolusaun Governu ne'ebé fahe tuir tipu konstrusaun, edifísiu, kultura agríkola no sasan sira seluk ne'ebé eziste iha terrenu sira ne'ebé inklui ona ba projetu konstrusaun Instalasaun Polítékniku Betanu nian.
Entretantu, molok ne’e, Ministru Ensinu Superiór Siensia no Kultura, Longuinhos dos Santos, akompaña husi Primeiru-Ministru Taur Matan Ruak hatu’ur fatuk dahuluk ba konstrusaun foun Institutu Politékniku Betano (IPB).
Serimónia ida-ne’e halo iha Suku Betano, Postu Administrativu Same, Munisipiu Manufahi no hetan mós partisipasaun husi Vise-Primeira-Ministra, Sekretáriu Estadu Ambiente, Administradór Munisipiu Manufahi, Reprezentante korpu Diplomatiku, Magfiku Reitór, Xefi Suku, Lia na’in, Estudante no komunidade sira.
