Governu Australia Asina Akordu Millaun $2,7 Apoiu Sistema Jestaun EPI Featured

By Ivonia Varela Maiu 18, 2023 664
Governu Australia liu-husi embaixada iha Timor-Leste asina akordu millaun $2,7 ho Fundu Nasoins Unidas ba Labarik (UNICEF) atu apoia fortalesimentu sistema jestaun Programa Espansaun ba Imunizasaun (EPI) no atu harii kapasidade ekipa EPI iha munisipiu no fasilidade saúde sira. Foto:Ivonia/INDEPENDENTE. Governu Australia liu-husi embaixada iha Timor-Leste asina akordu millaun $2,7 ho Fundu Nasoins Unidas ba Labarik (UNICEF) atu apoia fortalesimentu sistema jestaun Programa Espansaun ba Imunizasaun (EPI) no atu harii kapasidade ekipa EPI iha munisipiu no fasilidade saúde sira. Foto:Ivonia/INDEPENDENTE.

DILI : Governu Australia liu-husi embaixada iha Timor-Leste asina akordu millaun $2,7 ho Fundu Nasoins Unidas ba Labarik (UNICEF) atu apoia fortalesimentu sistema jestaun Programa Espansaun ba Imunizasaun (EPI) no atu harii kapasidade ekipa EPI iha munisipiu no fasilidade saúde sira.

Reprezentante País UNICEF, Bilal Aurang Zeb Durrani, hatete, asina akordu fundus ne'e hala'o liu husi inisiativa asesu ba vasinas no Seguransa Saúde (VAHSI) nune'e, sei fasilita UNICEF, hamutuk ho parseiru sira seluk husi Organizasaun Saude Mundial no Vizaun Mundial, atu apoia esforsu Governu nian atuál hodi integra vasinasaun COVID-19 iha programa rutina Imunizasaun.

Nia dehan, osan subvensaun foun ne'e mak Timor-Leste hakarak hametin liu-tán sistema saúde hodi to'o millaun ikus vasinasaun COVID-19 nian, integra vasinasaun COVID-19 iha servisu imunizasaun rutina no apoia introdusaun vasina foun sira hanesan papillomavirus umanu (HPV).

Nia haktuir, Integrasaun vasina COVID-19 sei asegura disponibilidade kontinuasaun husi vasina COVID-19, no antein fó nafatin atensaun no rekursu ba kontinuidade husi servisu saúde sira seluk ne'ebé proteje labarik no inan isin-rua kontra moras preventavel sira.

"COVID-19 interompe prestasaun servisu saúde ne'ebé la'o di'ak liu tinan tolu. Ida ne'e liu husi lideransa Ministériu Saúde no apoiu inabalavel husi parseiru dezenvolvimentu sira hanesan Governu Austrália, katak nasaun ne'e agora introdús ona sistema hodi ajuda ami responde no rekupera husi surtu ne'e," dehan nia liu husi Nota Imprensa ne'ebe Jornal INDEPENDENTE asesu, kuarta (17/05)

Nia hatutan, governu Australia sai ona doadór bo'ot liu ba vasina COVID-19 iha país ne'e. Total vasina doze millaun 1,19 simu diretamente husi Governu Australia, no Governu Australia ne'ebe mós fornese asistensia operasionál no téknika iha nivel nasionál no munisipiu hodi eleva vasinasaun COVID-19.

Nivel apolu diferente sira-ne'e kontribui ona ba susesu nasaun nian ne'ebé atinji ona to'o porsentu 90 resin husi populasaun elejivel ho pelu menus doze dahuluk husi vasina COVID-19 no pursentu 80 husi populasaun elejivel ho doze daruak.

"Ita nia objetivu koletivu agora mak atu asegura katak labarik hotu, la'ós de'it labarik sira ne'ebé tinan 5 mai kraik, hetan vasinasaun kompletu. Ida ne'e inklui dezafiu ida atu hasa'e taxa vasinasaun ba COVID-19 iha komunidade rurál sira, liuliu ba doze segundu no reforsu", katak nia.

Iha fatin hanesan,  Enkaregada Negosiu Embaxada Australia, Caitlin Wilson, hatete, Persija ona hadi'a kobertura imunizasaun rutina iha Timor-Leste, hamutuk ho vasinasaun ba COVID-19 no la husik ema ida iha kotuk.

Nia relata, Iha tinan 2021, Timor-Leste simu vasina COVID-19 remesa dahuluk no hamutuk ho mundu tomak hodi kontinua mantein pandemia ne'ebé halo estragus liu husi vasinasaun.

Tinan rua liu tiha, Timor-Leste atinji ona markus notaveis iha vasinasaun COVID-19 nian, atinji liu porsentu 90 husi populasaun ne'ebé elijivel ho pelumenus doze dahuluk no porsentu 80 husi populasaun ne'ebé elijivel ho doze daruak.

"Ha'u mós rekoñese Governu Austrália nu'udar doadór boot liu vasina Covid-19 nian ba Timo-Leste.Iha trimestre ida tinan ida ne'e, apoiu husi Governu Australia mós kontribui ba lansamentu importante husi kampaña nasionál imunizasaun ne'ebé susesu, ne'ebé integra vasinasaun COVID-19 ba ema adultu sira", dehan nia.

Nune'e, introdusaun ba PCV, boPV, Suplementu Vitamina A no desparizitasaun ba labarik sira ne'ebé tinan lima mai karik. Liu husi kampaña integradu ida ne'e, Timor-Leste konsege atinji ninia meta imunizasaun porsentu 100 ba kada fornesimentu antijeneu no nutrisaun.

"Ami nia esforsu hamutuk, dedikasaun, no kompromisu atu apoia prioridade Governu nian kona-ba fortalesimentu sistema pos-Covid-19, ne'ebé sei inklui integrasaun vasinasaun Covid-19 ba servisa imunizasaun rutina", nia informa.

Purtantu nia dehan, liu husi apoiu Governu Australia, UNICEF bele fortifika sistema saúde lokál no kadeia jestaun suprimentu ho aprovizionamentu ba karreta pickup 16, ekipamentu ba kadeia malirin no vasina.

Nia dehan, UNICEF mós aloka fundu DFAT nian atu harii kapasidade ba profisionál saúde sira no pesoál saúde liña-oin sira atu hadia servisu saúde esensiál sira inklui imunizasaun rutina liu husi fasilidade saúde estatika no servisu movel ba estensaun sira.

Ho rekursu adisionál VASHI nian ho valór millaun AUD$4, ne'ebé kanáliza ona liuhusi UNICEF, Timor-Leste preara ona atu atinji millau vasinasaun kontra COVID-19 no prestasaun servisu integradu ba imunizasaun no introdusaun ba HPV.

"Ha'u hakarak espresa hau-nia sinseru apresiasaun ba Governu Australia ba sira-nia apoiu ne'ebe boot hodi hatan ba COVID-19 no harii sistema saúde jeral iha Timor-Leste",

Iha biban ne'e mos, Diretor Jeral Interinu Prestasaun Servisu Nilton do Carmo da Silva hateten, akordu ne'ebé asina husi UNICEF ho Governu Australia ne'e atu foka liu ba imunizasaun ne'ebé atu hasa'e kapasitasaun husi risku sira ne'ebé atu implementasaun vasina.

No implementador ba programa ne'e mak UNICEF, OMS no World vision intenasional, parte tolu ne'e mak sai implemetador ba Fundus ne'ebé suporta husi Governu Australia liu husi DFAT.

Rate this item
(0 votes)

Independente Digital TV