“Projetu Dekretu-Lei ida-ne’e ho ninia objetivu atu estabelese rejime ida ne’ebé bele fó retribuisaun finanseira ba responsabilidade no kompleksidade ne’ebé boot funsionáriu no ajente públiku administrativu sira nian ne’ebé envolve iha realizasaun asaun formasaun jerál ka espesializada,”dehan Ministru Prezidensial Konsellu Ministru, Fidelis Leite Magalhães, iha Palasiu Governu, kuarta ne’e (27/07).

Governante ne’e dehan, suplementu foun ida-ne’e hakarak atu aproveita di’ak-liu kapasidade formadora ne’ebé oras ne’e daudaun iha ona iha administrasaun Públika nasionál nia laran, nune’e hodi kontribui ba rasionalizasaun rekursu nasionál sira.

Entretantu, valór oras suplementu remuneratóriu formadór nian sei fiksa tuir grau komplesidade funsionál karreira formandu sira nian.

Enkuantu, entidade ne’ebé responsavel ba pagamentu husi suplementu ida-ne’e mak entidade ida ne’ebé responsavel hodi halo formasaun ka entidade sira ne’ebé selu.