“Proposta ne’e aprezenta, kona-ba adezaun ba Akordu-Kuadru ASEAN kona-ba Servisus Framework Agreement on Services-ASEAN (AFAS), ASEAN Trade in Services Agreement (ATISA) no Akordu Komérsiu Bens ASEAN ASEAN Trade in Goods Agreement (ATIGA,), iha ámbitu prosesu negosiasaun adezaun Timor-Leste nian ba ASEAN,”Online INDEPENDENTE sita iha Komunikadu, segunda (16/12/24).

Tuir Komunikadu hakturi, modalidade sira ne’ebé propoin ona trasa prinsípiu orientadór ba negosiasaun sira, hodi konsidera kontestu Timor-Leste nian, entre objetivu sira maka kumprimentu progresivu hosi kompromisu sira hodi liberaliza bens no servisus, tuir padraun ASEAN nian, maibé ho fleksibilidade ne'ebé adekuadu, hodi bele garante obrigasaun sira ne'ebé asume proporsionál ho nivel atuál dezenvolvimentu Timor-Leste nian no ninia kapasidade institusionál sira.

“Enkuadramentu ida-ne’e ho objetivu atu garante ekilíbriu entre integrasaun rejionál no salvaguarda interese estratéjiku no ekonómiku nasionál sira, hodi promove kreximentu sustentável no kompetividade iha setór produtivu no servisus país nian”tenik komunikadu ne’e.

Entretantu, rekorda fila fali katak, iha tinan 2011, Timor-Leste hato’o ona pedidu ba ASEAN no dadaun ne’e Timor-Leste hanesan membru observadór.