Proposta OJE 2021 ne'e, aprejenta husi reprezenta Governu, Ministra Finansa Interina, Sara Lobo Brites, akompanha husi Ministru Assuntu Parlamentar no Komunikasaun Sosial.
Hafoin aprejentasaun, Presidente Parlamentu Nasional, Aniceto Guterres hateten, Governu kumpri prazu tempu aprenzentasaun proposta OJE 2021, iha tuku 15:00 otl.
Nia hateten, hare’e ba oras no loron ohin 15 fulan-Outubru, guvernu kumpri duni prazu limete aprejentasaun ne’e loloos.
Kompozisaun tuir mai ne’e kabe ba kompeténsia Parlamentu Nasional atu hala’o prosesu orsamentál tuir rejimentu parlamentu nian rasik.
"Prosesu tuir mai ne’e kompeténsia parlamentu nian ona to’o iha aprovasaun final global orsamentu, husi PN husu nafatin kolaborasaun guvernu atu fornese dokumentus de suporta tantu livrus no informasaun nesesariu sira hotu atu deputadu sira bele estuda no analiza no tetu didiak antes halo aprovasaun final ba orsamentu ida ne'e,"dehan nia iha Parlamentu Nasional, ohin (15/10).
Entretantu Ministra Finansas Interina Sara Lobo informa, husi total OJE billaun $1.895, kompostu husi saláriu vensimentu millaun $239.26, ben servicos millaun $421.49, transferensia publika millaun $669.91, kapital menor millaun $61.14, no kapital dezenvolvimentu millaun $503.2.
